islam düshmenliki bilen tonulghan wildérstin yene bir shermendichilik

gollandiyede radikal ongchi erkinlikler partiyesi rehbiri gért wildérs islamiy ipadilerning meniy qilinishi üchün parlaméntqa qanun teklipi sundi.

islam düshmenliki bilen tonulghan wildérstin yene bir shermendichilik

türkiye awazi radiyosi xewiri: wildérs parlaméntta sözligen shermendilerche nutuqida, «dölitimiz islamdin tazilinishi lazim. islam gollandiyege tewe emes. islam nepret we térrorluq bilen barawerdur. yillardin buyan islamni cheklesh üchün héchqandaq xizmet qilinmidi. shunga gollandiyede islamiy ipadilerning meniy qilinishi üchün qanun teklipi sunimen» dédi.

wildérs buning gherb döletliride tunji ish bolidighanliqini tekitlep, «jamiler we islamy mektepler taqalsun, quran bilen hijap cheklensun. bashqa döletlerningmu buni ülge élishini ümid qilimen» dédi.

parlaménttiki bashqa partiyelerning rehberliri bolsa, wildérsqa naraziliq bildürüp, bundaq qanunning gollandiye asasiy qanunida kapaletke ige qilinghan diniy erkinliklerge zit ikenlikini tilgha aldi.

denk partiyesi parlamént guruppa bashliqi tunaxan quzu wildérsqa tolimu ichidinidighanliqini bildürüp, wildérsning 14 yildin buyan oxshash gep we oxshash ishlarni qilip kéliwatqanliqini, yene 14 yil dawamlashturghan teqdirdimu her daim uninggha qarshi turidighanliqini éytti.

tunaxan quzu: «wildérsning siyasiy ötmüshi qan bilen tolghan. yéqinqi 14 yilda jamilerge qiliniwatqan hujumlar we musulmanlargha siliniwatqan tehditlerge oxshash irqiy ayrimchiliq we musulmanlargha qarshi nepret yuqiri örlidi. 2011yilida élip bérilghan bir tekshürüshke asaslanghanda, radikal ongchi erkinlikler partiyesi «PVV» ezalirining %25 dégüdek meqsetlirige yétish üchün zorwanliqqa qilishqa teyyar» dédi.



مۇناسىۋەتلىك خەۋەرلەر