béyjing - washington sürkilishi barghanche kücheymekte

amérika qoshma ishtatliri bilen xitay arisidiki soda urushliri ewjige chiqqan peyttiki washingtonning yéngi émbargosi soghuqchiliqni kücheytti.

béyjing - washington sürkilishi barghanche kücheymekte

türkiye awazi radiyosi xewiri: xitay, amérikining béyjingda turushluq bash elchisini chaqirtip, amérikining yéngidin élan qilghan émbargolirigha qattiq naraziliq bildürdi؛ amérika qoshma ishtatliri, béyjingning rusiyedin S-400 hawa mudapie sistémiliri sétiwélishidin kéyin, xitay mudapie ministirliqi xizmetchilirige jaza yürgüzüshni qarar qilghanidi.

xitay mudapie ministirliqi bayanatchisi wu chiyen bayanat élan qilip, «xitay armiyesi bu qarardin qattiq ghezeplendi we qetiy qarshi chiqidu» dégenlerni qeyt qilghanidi.

yene bir tereptin wal sitrit jurnal géziti, xitayning amérika qoshma ishtatliri bilen soda söhbetlirini dawamlashturushtin waz kechkenlikini, bash ministir yardemchisi liyu xéning aldimizdiki hepte washingtongha barmaydighanliqini ilgiri sürdi.



مۇناسىۋەتلىك خەۋەرلەر