русийә билән өзбекистан һәрбий саһәдә келишим түзди

русийә билән өзбекистанниң мудапиә мнистирлири һәрбий саһәдә келишим түзди.

Sergey Şoygu.jpg

түркийә авази радийоси хәвири: русийә билән өзбекистан оттурисида һава тәвәликлириниң һәр икки дөләтниң һәрбий айропиланлири тәрипидин ишлитилиши тоғрисида келишим имзаланди.

русийә вә өзбекистан мудапиә минстирлиқлири тәрипидин бу һәқтә елан қилинған байанатта, мустәқил дөләтләр гәвдиси мудапиә министирлири йиғиниға иштирак қилиш үчүн ташкәнткә кәлгән русийә мудапиә министири сергей шойгуниң өзбекистан мудапиә министири абдусало әзизов билән көрүшкәнлики билдүрүлди.

икки дөләт оттурисидики һәрбий һәмкарлиқ мунасивити кеңәш қилинған көрүшүштә сөз қилған шойгу, русийәниң өзбекистанни оттура асийада истиратегийәлик иттипақдеши сүпитидә қарайдиғанлиқини ейтти.

министир шойгу хәлқара террорлуқниң районға тарқилишиға охшаш тәһдитләргә қарши ортақ күрәш қилиниши керәкликини тәкитләп өтти.

өзбекистан армийәсиниң 340тин артуқ әскириниң бу йил русийәдики һәрбий мәктәпләргә оқушқа киргәнликини ейтқан шойгу, русийә вә өзбекистан мудапиә министирлиқлири оттурисидики һәмкарлиқ мунасивитиниң күчийишидин мәмнунлуқ һес  қилғанлиқини билдүрди.

әзизовму өзбекистанниң русийә билән һәрбий саһәдә һәмкарлиқ орнитишни пиланлиғанлиқини әскәртип, бу йил русийә билән өзбекистан оттурисида һәрбий техника вә тәлим-тәрбийә саһәсидә һәмкарлиқниң күчәйгәнликини әскәртти.

көрүшүштин илгири шойгу билән әзизов икки дөләтниң һава тәвәликлирини уруш айропиланлириниң ишлитиши тоғрисида келишим һасил қилди.

икки министир йәнә икки дөләтниң мудапиә министирлиқлири оттурисида 2019-йили һәрбий һәмкарлиқ орнитиш келишими имзалаш үчүн келишти.  



مۇناسىۋەتلىك خەۋەرلەر