rusiye bilen özbékistan herbiy sahede kélishim tüzdi

rusiye bilen özbékistanning mudapie mnistirliri herbiy sahede kélishim tüzdi.

Sergey Şoygu.jpg

türkiye awazi radiyosi xewiri: rusiye bilen özbékistan otturisida hawa teweliklirining her ikki döletning herbiy ayropilanliri teripidin ishlitilishi toghrisida kélishim imzalandi.

rusiye we özbékistan mudapie minstirliqliri teripidin bu heqte élan qilinghan bayanatta, musteqil döletler gewdisi mudapie ministirliri yighinigha ishtirak qilish üchün tashkentke kelgen rusiye mudapie ministiri sérgéy shoyguning özbékistan mudapie ministiri abdusalo ezizow bilen körüshkenliki bildürüldi.

ikki dölet otturisidiki herbiy hemkarliq munasiwiti kéngesh qilinghan körüshüshte söz qilghan shoygu, rusiyening özbékistanni ottura asiyada istiratégiyelik ittipaqdéshi süpitide qaraydighanliqini éytti.

ministir shoygu xelqara térrorluqning rayongha tarqilishigha oxshash tehditlerge qarshi ortaq küresh qilinishi kéreklikini tekitlep ötti.

özbékistan armiyesining 340tin artuq eskirining bu yil rusiyediki herbiy mekteplerge oqushqa kirgenlikini éytqan shoygu, rusiye we özbékistan mudapie ministirliqliri otturisidiki hemkarliq munasiwitining küchiyishidin memnunluq hés  qilghanliqini bildürdi.

ezizowmu özbékistanning rusiye bilen herbiy sahede hemkarliq ornitishni pilanlighanliqini eskertip, bu yil rusiye bilen özbékistan otturisida herbiy téxnika we telim-terbiye saheside hemkarliqning kücheygenlikini eskertti.

körüshüshtin ilgiri shoygu bilen ezizow ikki döletning hawa teweliklirini urush ayropilanlirining ishlitishi toghrisida kélishim hasil qildi.

ikki ministir yene ikki döletning mudapie ministirliqliri otturisida 2019-yili herbiy hemkarliq ornitish kélishimi imzalash üchün kélishti.  


خەتكۈچ: rusiye , özbékistan

مۇناسىۋەتلىك خەۋەرلەر