трамп билән путинниң келәрки айда көрүшидиғанлиқи илгири сүрүлди

америка пирезиденти доналд трамп билән русийә пирезиденти владимир путинниң келәрки айда көрүшидиғанлиқи илгири сүрүлмәктә.

трамп билән путинниң келәрки айда көрүшидиғанлиқи илгири сүрүлди

түркийә авази радийоси хәвири: русийәниң рийа (RIA) агентлиқи русийә ташқи ишлар министирлиқиниң байанатидин нәқил кәлтүрүп тарқатқан хәвиридә, пирезидент трамп билән путинниң 11-нойабир фирансийә пайтәхти парижда өткүзүлидиған 1-дунйа урушини хатириләш мурасимлириға қатнашса көрүшидиғанлиқи билдүрүлди.

хәвәрдә, русийәниң дийалогқа очуқ икәнлики, вашингтон тәләп қилған әһвалда вақит билән орунни бирликтә бәлгиләп, учришиш өткүзүш мумкинлики әскәртилди.

өткәнки күнләрдә, финландийәдә чиқидиған «хелсингин саномат гезити», пирезидент трамп билән путинниң алдимиздики йил хелсинкида йәнә бир қетим көрүшүши мумкинликини хәвәр қилған иди.

кремил сарийи байанатчиси дмитрий песков бу һәқтә байанат елан қилип, путин билән трампниң көрүшидиғанлиқи тоғрисида мәтбуатларда елан қилинған хәвәрләрниң әмәлийәткә уйғун әмәсликини ейтқан иди.

икки рәһбәр ийул ейида финландийә пайтәхти хелсинкида көрүшкән болуп, трамп шу қетимқи көрүшүш тоғрисида «йахши башлиниш» дегән иди.



مۇناسىۋەتلىك خەۋەرلەر