хитай режиссорлири сайаһәт райони фәтһийәдә филим ишлимәктә

хитай режиссорлири сайаһәт райони фәтһийәдә мусабиқә пирограммиси ишлимәктә

хитай режиссорлири сайаһәт райони фәтһийәдә филим ишлимәктә

түркийә авази радийоси хәвири: хитайда милйонларчә көрүрмини болған «һайат-маматлиқ күрәш»намлиқ телевизийә пирограммисиға охшап кетидиған мусабиқә пирограммисини лентиға елиш ишлири муғла вилайитиниң фәтһийә наһийәсидә башлиди.

асийадики тонулған артислар қатнишидиған бу мусабиқини лентиға елиш ишлири хитайдин кәлгән 180 кишилик филим ишләш гурупписи тәрипидин елип берилмақта.

фәтһийә наһийәси җе җийаң өлкилик телевизийә қанилиниң « 24 саәт»намлиқ мусабиқә пирограммисини лентиға елиш ишлириға саһибханлиқ қилмақта.

30 тәрҗиманниң һәмраһлиқида фәтһийәниң наһийә мәркизидин сирт чалиш саһили, шат бурни, қуш җәннити, кайакой вә йаниклар мәһәллиси, бәлҗәғиз, китрак саһиллири билән окуйтәпә йерим арилида лентиға елиш ишлирини елип бериватқан хитай филим ишлигүчилириниң бу көрүнүшләрни пирограмма әснасида фәтһийәни тонуштурғанда ишлитидиғанлиқи билдүрүлди.

хитай филим ишлигүчилири буниңдин кейинки лентиға елиш хизмәтлириниң қайси җайларда елип берилидиғанлиқи вә қанчә күн давамлишидиғанлиқи тоғрисида ениқ мәлумат бәрмиди.



مۇناسىۋەتلىك خەۋەرلەر