килимат өзгиришини рәт қилғанлар венера йултузиға кәтсун

даңлиқ физикишунас стефин хавкиң: «килимат өзгиришни рәт қилғанларға венера (зөһрә, чолпан) йултузиға кетишини дәңлар, чиқимиға мән игә» деди.

килимат өзгиришини рәт қилғанлар венера йултузиға кәтсун

түркийә авази радийоси хәвири: даңлиқ физикишунас алим хавкиң «стефин хавкиңниң қизиқидиған йәрлири» намлиқ һөҗҗәтлик филимниң иккинчи қисмида, йәр шариниң иссип кетишиниң һайатлиқни чидиғусиз һалға кәлтүридиғанлиқини ейтти.

хавкиң йәр шариниң 4.5 милйард йашқа киргәнликини нәзәрдә тутқан һалда, инсанийәтниң 200 йилдин 500 йилғичә болған арилиқта йашаш үчүн йеңи макан издиши керәкликини илгири сүрди. у сәра газиниң тәсири мәсилиси һәл қилинмиған әһвалда, йәр шариниң венераниң тәқдиригә дучар болидиғанлиқини әскәртти. у мундақ деди:

«килимат өзгиришиниң йоқлуқини ейтидиған кишиләр билән көрүшсәңлар, венераға кетишини дәп қойуңлар, пүтүн йол чиқимиға мән игә.»

америка аләм қатниши идариси-наса (NASA) ниң 2002-йилдики тәтқиқат нәтиҗисигә асасланғанда, венера йултузи 4.5 милйард йил илгири йәр шариға охшаш су вә өсүмлүкләр болған пиланета болуп, иссишниң тәсиридә окйанлар һорға айлинип, бүгүнки һалға кәлгән. сәра газиниң тәсиридә пиланета йүзиниң иссиқлиқи 462 гирадусқа йәткән.



مۇناسىۋەتلىك خەۋەرلەر