сребренитса мурасимлирида кимлики йеңи ениқланған қурбанлар дәпнә қилиниду

сребренитса ирқий қирғинчилиқиниң 23-йилида поточари хатирә қәбристанлиқиға дәпнә қилинидиған кимлики ениқланған 35 кишиниң йәрлики колинип тәййар болди.

сребренитса мурасимлирида кимлики йеңи ениқланған қурбанлар дәпнә қилиниду

түркийә авази радийоси хәвири: йавропада 2-дунйа уруши (1945-1939) дин кейин йүз бәргән әң чоң инсанийәт тирагедийәси дәп аталған сребренитса ирқий қирғинчилиқиниң 11-ийул өткүзүлидиған хатириләш паалийәтлиридә дәпнә қилинидиған, кимлики ениқланған 35 кишини дәпнә қилиш ишлириниң тәййарлиқи ахирлашти.

поточари хатирә қәбристанлиқида 11-ийул өткүзүлидиған дәпнә мурасимида ,бу йил йәрликкә қойулидиған қурбанлардин әң кичики 16 йашлиқ вәсид ибриҗ, әң чоңи болса 71 йашлиқ саһин халиловиҗтур.

дәпнә қилинидиғанлар арисида йәнә, орман йолида йолдиши билән биллә қачқанда алтә айлиқ һамилә болушиға қаримай серб қисимлири тәрипидин рәһимсизләрчә өлтүрүлгән рәмзиҗа дудиҗму бар.

бу йил (2018) поточари хатирә қәбристанлиқида 30-20 миң кишиниң қатнишиши астида мийт намизи оқулиду. поточари хатирә қәбристанлиқида өткүзүлгән мурасимларда, бүгүнгичә  6575 қурбан дәпнә қилинди. бирақ, аридин 23 йил өткән болсиму һазирғичә миңдин артуқ қурбанниң җәсити тепилмиди.

адәм қассипи ратко младич қоманданлиқидики серб қисимлири 1995-йили 11-ийул сребренитсани ишғал қилғандин кейин, б д т тармиқидики голландийә әскәрлириниң қоғдиши астида панаһлиниватқан бошнақлар сербларға тапшуруп берилгән иди.

серб қисимлири айал вә балиларниң бошнақ әскәрләрниң контроллуқидики районға кетишигә рухсәт қилған. шундақтиму әң аз дегәндә 8372 бошнақни орманлиқларда, завутларда вә искилатларда өлтүрүп, һәммисини көмүвәткән иди.



مۇناسىۋەتلىك خەۋەرلەر