15 – iyul؛ qatil robotlarning qanliq herikiti (awazliq)

dunya közniki (28)

15 – iyul؛ qatil robotlarning qanliq herikiti (awazliq)

15 – iyul؛ qatil robotlarning qanliq herikiti

dunya közniki (28)

«15 – iyul؛ qatil robotlarning qanliq herikiti»

(piroféssor doktor qudret bulbul)

türkiye awazi radiyosi: «dunyagha nezer» yeni, «dunya közniki» namliq pirogrammimizning bügünki sanida enqere yildirim beyazit uniwérsitéti siyasiy penler fakultéti bashliqi piroféssor doktor qudret bulbulning «15 – iyul؛ qatil robotlarning qanliq herikiti» témiliq analizinidiqqitinglargha sunimiz:

türkiye sirtida yashaydighan, kontiroldin ötken robotlar, alahide wirus urulup, konirolluq astigha élinghan insanlarning yaki özliriche melum nishanlarni belgilep yürgen azghun teriqetlerning insaniyetke shekillendürgen tehditi we bulargha qarshi dunyani qutquzush üchün élip bérilghan qehrimanlarche küreshlerni peqet kino - filimlerdila körgen bolushinglar mumkin.

türkiye 2016 - yili 15iyulda del ene shundaq bir weqeni bashtin kechürdi. dölet organlirigha soqunup kériwalghan fothullahchi térrorluq teshkilati, xuddi kinolardikige oxshash adettiki chaghda buwaqlardek sebi yüzlük körünidighan, biraq wirus urulghan yaki buyruq chüshürülgen haman yirtquch haywanlargha özgüridighan azghun étiqad ezalirining herbiy siyasiy özgirish qozghashqa urunush herikitige düch keldi.

türkiye armiyesi qatarliq döletning muhim organlirigha soqunup kiriwalghan fethullahchi térrorluq teshkilati ezaliri amérikida turushluq azghun diniy rehber fethullah gülendin alghan buyruqqa binaen 2016yili 15 - iyulda herbiy siyasiy özgirish qozghashqa urundi. 

t r t we si en en qatarliq bezi muhim radiyo - téléwiziye idarilirini ishghal qilip, hetta urush mezgilidimu bombardiman qilinmighan türkiye büyük millet mejlisi (parlaménti) ni bombardiman qildi. xelq teripidin saylanghan jumhur reisni qolgha élish üchün u turushluq yerlerde tutush herikiti élip bardi. bu buluwatqan ishlargha qarshi pütün türkiye xelqi kochilargha qarap aqti. milyonlighan xelqning üstige robotlashqan ademliri arqiliq oq yaghduruldi. xelqqe we xelq idarilirigha urush ayropilanliri bilen bomba atti. puqralar tankilargha qarshi yürüsh qildi. tankilarning astida yétiwaldi. netijide bir qanche saet ichide yüzligen kishi shéhit we mingilghan kishi yaridar boldi.

jumhur reis rejep tayyip erdoghanning chaqiriqi bilen türk xelqining démokratiyesini we öz kelgüsini qutquzush üchün qilghan bu kürishi, kinolardimu uchratqili bolmaydighan derijide qehrimanlarche élip bérildi. pütün türkiye miqyasida milyonlighan kishi kochilargha aqti. puqralar dölet organliri we herbiy organlarni qorshawgha aldi. fothullahchi eskerler oq yaghdursimu arqisigha dajimidi. shu kéchisi menmu kochilarda idim. méningmu yéqin tonushlirim, dostlirim yürüsh qilip, manqurtlar, hashhashilar, we férinkéshtayanlarning yaki azghun teriqet ezalirining insaniyetni esirge éliwilishini tosush üchün yürüsh qilduq.

derweqe türkiyede buningdin ilgirimu herbiy siyaisy özgirishler yüz bergen idi. biraq biwaste xelqni hujum nishani qilghan bundaq qanliq herbiy özgirish türkiye tarixida tünji qétim yüz bermekte idi. her xil pikir we éqimlardiki milyonlighan kishi bu herbiy isyangha qarshi kochilarni toldurdi. dölitige, kelgüsige, ghururigha, démokratiyesige jümlidin pütün isaniyetke ige chiqti. milyonlighan xelq ammisi heptilergiche kochilardin qaytmighan turughluq, birer qétimmu bulangchiliq, malimanchiliq weqesi yüz bermidi. hetta chümilinimu biaram qildighan ishni sadir qilmidi. türkiyede adettiki insanlar dunyagha eng wehshi herbiy siyasiy özgirishni qandaq qilip tinch halda tosup qalghili bozlidighanliqini körsitip qoydi. goya pütün dunyagha buning emeliy ülgisini namayan qilip berdi. 

1990yilliri tienmin meydanida wijdanliq bir xitay yash xitay tankilirining aldini tusup öre turghan idi. méngisi toluq kontiroluqqa élinmighanliqi üchün bolsa kérek, hetta xitay eskerlirimu u yashni bésip ötmey arqigha chékingen idi. bu qehrimanlarche körünüshni pütün dunya axbaratliri körgen we alqishlighan idi. türkiyede bolsa, azghun diniy étiqadi bilen adimiylikini untughan fothullahchi térrorluq teshkilati ezaliri, tankilarni xelq ammisining üstide mangdurdi. epsuski, bir kishiningla emes, pütün bir xelqning qehrimanlarche qarshiliq körsitish herikitini dunya médiyasi asasen dégüdek körmeske saldi. gerche bu xelq herikiti xelqara jamaetchilikning yéterlik derijide qollishigha érishelmigen bolsimu, bu dastan, bu wijdan, bu qarshiliq herikiti, shahit bolghuchilar teripidin qetiy untulmighusi.

fethullahchi térrorluq teshkilati kim?

epsuski, fethullahchi térrorluq teshkilatining zadi néme ikenlikini xelqara jamaetchilik hazirmu anche bilip ketmeydu. fethullahchi térrorluq teshkilati, ezalirini öz rehbirige mesihke ishengendek bir étiqad bilen mehkem baghlighan, özining azghun étiqadliri dairiside ayrim bir dunya qurup chiqmaqchi bolghan bir teshkilattur. bular rehbirini «tallanghan qotqazghuchi» dep qarishidu. hetta egeshküchilirimu özlirini «tallanghan kishiler» dep qaraydu. bular mushu étiqad dairiside «pütün dunyani qotquzimiz» dep étiqad qilishidu. bularning barliq döletlerde, rayonlarda, sheherlerde hetta mehllilerdimu belgilengen imamliri bolidu. rehbiri fothullah gülenni bolsa, bir döletni emes, pütün dunyani qotquzidighan «kainat imami» dep qobul qilishidu. mana bu wejidin fothullahchi térrorlaluq teshkilatini yer shari xaraktérlik bir heriket déyishke bolidu. qethullahchi térrorluq teshkilati bu sepsetilirige ishendürüsh üchün ezalirini uzun we qéyin bir terbiyedin ötküzidu. bu jeryanda ezalirini pütünley jemiyettin ayrip tashlaydu. mexsus yaritilghan muhitlarda özliri ishengen we bilgen étiqad dunyasini berpa qilishidu. ezalirini basquchmu basquch öz xelqidin, qimmet qarashliridin, tinchliq we xatirijemlik dini bolghan islamning uzun yillardin buyan shekillengen omumiy éqimiliridin uzaqlashturidu. 1970yilliri bashlanghan bu heriket birer tarix, medeniyet, enene közniki bolmighan we chongqur yiltizimu bolmighan bolghachqa ezaliri melum muddettin kéyin, peqet özliri ishengen azghun étiqadqila ige bolghan bolishidu. perzentlirini fethullahchilarning mektepliride oqutqan aililer biraz diqqet qilidighanla bolsa, ularning asta asta özliridin uzaqliship ketkenlikini yaqiyalaydu. ezaliri mana shundaq yéngi bir tüske kirgüzülgendin kéyin ular mexpiy, muqeddes bir ulugh ghayige ige ikenliklirige ishinidighan kishilerge aylinidu. ulargha tolimu mexpiy, atalmish intayin ulugh nishangha yétish üchün tapshurulghan wezipiler, özlirini qetiy ashkarilimasliq, herqandaq ehwalda özlirini mexpiy tutush sherti bilen bérilidu. özlirini mexpiy tutush we meqsitige yétish üchün her türlük usullar ulargha jaiz halgha keltürülidu. chünki barliq qilmishlirini toghra körsitidighan we qanunluq halgha keltüridighan bir muqeddes ghayiliri bolghan bolidu. buning üchün her türlük étiqadta we pozitsiyede bolalaydu. xalighanche kéyim kéyeleydu, xalighan idiologiyede körüneleydu. mewlana rumining «ya qandaq bolsang shundaq körüngin, yaki qandaq körünseng shundaq bolghin!» dégen pelsepisining del eksiche hergizmu qandaq bolsa shundaq körüngili unimaydu. niyetliri bashqa bolghanliqliri üchün körüngendekmu bolmaydu. 

  hörmetlik radiyo anglighuchi qérindashlar! yuqirida yildirim beyazit uniwérsitéti siyasiy penler fakultéti bashliqi piroféssor doktor qudret bulbulning meslige munasiwetlik analizini diqqitinglargha sunduq. kéler hepte yene oxshash waqitta, yene bashqa analizlirini diqqitinglargha sunimiz. qayta körüshkiche aman bolghaysiler xeyir xosh!!

 


خەتكۈچ: dunya közniki

مۇناسىۋەتلىك خەۋەرلەر