yer sharini istilah qilish herikiti süpitide fethullahchi térrorluq teshkilati

dunya közniki (29)

yer sharini istilah qilish herikiti süpitide fethullahchi térrorluq teshkilati

yer sharini istila qilish herikiti süpitide fethullahchi térrorluq teshkilati

dunya közniki (29)

«yer sharini istila qilish herikiti süpitide fethullahchi térrorluq teshkilati»

(piroféssor doktor qudret bulbul)

türkiye awazi radiyosi: «dunyagha nezer» yeni, «dunya közniki» namliq pirogrammimizning bügünki sanida enqere yildirim beyazit uniwérsitéti siyasiy penler fakultéti bashliqi piroféssor doktor qudret bulbulning «yer sharini istila qilish herikiti süpitide fethullahchi térrorluq teshkilati» témiliq analizinidiqqitinglargha sunimiz:

ésinglarda bolsa kérek, aldinqi maqilimizda 15iyulda yüz bergen weqelerni boylighan halda fethullahchi térrorluq teshkilatining mahiyiti, teshkilat ezalirini ailiridin, jemiyettin we köp sanliq musulmanlar teripidin qobul qilinghan islamiy qimmet qarashliridin ayrip tashlap, qandaq yétishtüridighanliqi heqqide toxtalghan iduq. qéyin we uzun mezgillik bir terbiyeleshtin ötküzgendin kéyin, teshkilat ezalirini meqsetni qolgha keltürüsh üchün herqandaq ishni qilishtin yanmaydighan halgha keltüridighanliqini bildürgen iduq.

 

fethullahchi térrorluq teshkilatining teshkillinish usuli

 

derweqe, fethullahchi térrorluq teshkilati mexpiy we muqeddesleshtürülgen bir étiqad bilen ezalirining qaytidin méngisini yuyup chiqqandin kéyin, ularni bashqa döletlerge yollap, teshkilatning u yerlergiche kéngiyishini nishan qilidu. ularning barghan döletlerde teshkillinishi xuddi deslepki mezgillerde türkiyediki teshkillinish usuligha oxshaydu. aldi bilen mektep échip, ammiwiy teshkilatlarni qurup, intayin xelqchil we xalisane xizmet organliridek körinidu. andin resmiy teshkilatlinishni bashlaydu. bu jeryanda ikki nersini nishan qilidu. birinchisi؛ barghanla dölette özlirige yéngi teshkilat ezaliri yétishturush, ikkinchisi؛ yétishturgen kishilerni shu döletning eng istiratégiyelik organlirigha orunlashturush.

bu arqiliq mezkur döletlerning hakimiyitini mexpiy, qetiy körünmeydighan shekilde alqinigha kirigürüshni xalaydu. bir az diqqet bilen nezer salghan kishiler, fethullahchi térorrluq teshkilati mekteplirini püttürgenlerning barliq döletlerde istixbarat organliri, armiye we saqchi idariliri, bash ministirliq we pirézidéntliq ishxaniliri shundaqla merkez bankiliri dégendek istiratégiyelik organlirigha asta - asta séngip kirgenlikini tonup yételeydu. qethullahchi térrorluq teshkilatining usullirini bilmeydighanlar, teshkilat ezalirining mezkur organlargha libéralizmchi, sotsyalist, xiristiyan, sikolarizmchi dégendek, shu dölette étibarliq idéologiyelerge mensuptek körünüp turup singip kiriwalidighanliqini sezmeyla qalidu. köpinche heqiqiy ehwalni bilip yetkende, tolimu kéchikip qilishqanliqlirini hés qilidu.

fethullahchi térrorluq teshkilati peqet türkiye üchünla tehditmu?

 

meyli «kainat imami» dep özige unwan taqiwalghan katiwishi gülen nuqtisidin bolsun, meyli dunyaning her qaysi döletliride teshkilatlinish üchün körsetken tirishchanliqi nuqtisidin bolsun, fethullahchi térorrluq tekshilatining peqetla türkiyeni nishan qilghan bir teshkilat emesliki éniqtur. uning 170 tin köprek dölette teshkilatlanghanliqi bildürülmekte. zadi qanche dölette teshkilatlinip bolghanliqi heqqide éniq sanliq melumat bérish mumkin emes. chünki ular öz iismliri bilen ashkara emes, oxshash bolmighan isimlar arqiliq mexpiy teshkilatlinish usulini yolgha qoyup kelmekte. yene kélip bu döletlerning asasliq köp qismi musulman döletliri emes.

türkiye bu teshkilatning mexpiy nishanini bilgenliki we kéreklik tedbirlerni alghanliqi üchün teshkilat emdilikte özining heqiqiy epti - beshirisini bilmeydighan döletlerge nisbeten téximu chong tehditke aylandi.  bezi döletlerde neyrangwazliqliri bilen hazirmu xalisane ammiwi teshkilat siyaqida teshkilatlinishni we azghun étqadliri arqiliq yéngi eza toplaydighan mekteplirini échishni dawamlashturmaqta. shunche azabliq, shunche jan we qanlarni bedel tölesh arqiliq qolgha kelgen türkiyening tejribisi, téximu köp bedel töleshni xalimaydighan döletlerge nisbeten ochuq bir sawaqtur.

 

fethullachi térrorluq teshkilati tehditi axirilashtimu?

 

eslide türkiyede bir qanche yil ilgiri bügünki künlerni tesewwur qilishmu mumkin emes idi. fethullahchilar qurup chiqqan qorqunchluq yer asti émpiriye sewebidin kishilerning bashtin kechürgenlirini anglitishi, fethullahchilarning qurghan oyunlirini askarilishi mumkin emes idi. shunglashqa aldi bilen bügünki künge shükri qilishimiz lazim.

fethullahchi térrorluq teshkilati eslide insanlarning insaniy tebiiytining teqezzasi bolghan yaxshi niyetliridin eng köp paydilanghan idi. kishiler ularning tashqi körünishige ishinip, qollap - quwwetleytti. emdilikte bolsa, bu iplas teshkilatning özini mexpiy tutush taktékiliri, oxshimaydighan tüske kiriwilish usulliri, mexpiy pilanliri, adem öltürüsh we her türlük rezilliklerni yolluq dep qaraydighan azghun étiqadi ashkarilandi. nurghun bedellerni tölesh arqiliq qolgha kelgen bu tunush, hem türkiyege hem pütün dunyagha nisbeten katta utuq hésablinidu. 

türkiyening we türkiye xelqining namayan qilghan pequladde tirishchanliqi we bu iplas teshkilatqa dair shikillengen tonush sewebidin nurghunlighan döletler fethullahchilarning organliri we teshkilatlirini bitchit qilip tashlidi. türkiye jamaetchilikte shekillengen bu bilish we teshkilat iqtidarining bitchit qilinishi netijiside, qethullahchilarning qayta herbiy siyasiy özgirish qozghap, yéngi bir tüzüm ornitish iqtidari qalmidi. gerche hakimiyet sistémisi qurush iqtidari bitchit qilip tashlanghan bolsimu, biraq fethullahchi térorrluq teshkilatining hazirmu suyiqest qilish, weyran qilish küchi saqlinip kelmekte. konupkisi pénsilwaniyadiki teshkilat katiwishining alqinida bolghan qatil robotlar, goya birdin adem bombigha oxshash fethullahchi térrorluq teshkilati paaliyet qiliwatqan barliq döletlerde aylinip yürmekte.

türkiye bilen rusiyeni kalla soqushturush üchün bir fethullahchining rusiye elchisi karlowni öltürishige oxshash térrorluq jinayetlirini sadir qilish iqtidari hazirmu mewjut. bu tehdit yalghuz türkiye üchünla emes, ular paaliyet qiliwatqan barliq döletlerdimu dawamlashmaqta. nurghunlighan döletlerde siyasiy sistémilarning eng muhim merkezliride mükünüp yatqan we buyruq kütüwatqan höcheyriliri mewjutliqini saqlap kelmekte.

shundaq! eng axirida özi insangha oxshaydighan, bu sebiy yüzlük, qatil robotlarning pirogrammiliri we pirogrammilighuchiliri bayqilip boldi. biraq paaliyetlirini mexpiy élip bériwatqanliqi we kimliklirini yoshurun tutuwatqanliqi sewebidin bezi kimliki éniqlanmighan qatil robutliri arimizda aylinip yürmekte. dunya miqyasida bu zeherlik pirgorammining tesirige uchrighan yüzminglarche kishi barliqi melum.  iradisini ishlitish iqtidarini amérikidiki térroist gülenge tutquzup qoyghan bu insan yüzlük robotlarning qaytidin erkin, musteqil tepekkür qilaydighan heqiqy insanlargha aylinishi üchün dunya miqyasidiki pisixologiye mutexessiliri, jemiyetshunaslar, doxturlar we diniy alimlarning yéngi ijadiy xizmetlirige jiddiy éhtiyaj bar. 

qatil robotlarni qaytidin insangha aylandurushning charisi tépilmaydiken héchkishi, héchbir dölet we xelqning kelgüsi xeterdin xaliy bolalmaydu. yene bir tereptin qatil robotlar san sipirliq emes, belki özini yéngilash iqtidarigha ige. yerlik döletlik we yer shari xaraktérlik nurghunlighan amillar bilen mas heriket qilish qabliyetliri bar. bügünki kündimu bezi xelqaraliq aktiyorlar we istixbarat teshkitlatliri bilen intayin maslashqan halda heriket qilishmaqta. shu wejidin bu aktiyorlar qatil robotlarning dawamliq özlirige itaet qilidighanliqini xam xiyal qilishmaqta. halbuki bu teshkilatning tarixigha qaraydighan bolsa, héchbir dölet bilen héchqandaq muqim, uzun muddetlik munasiwet ornitip baqmighanliqini, eng muhimi özining pirogrammilirini ishqa ashurush ikenlikini asanla körüwalalaydu. shunglashqa fethullahchi térrorluq teshkilati bügünki künde «peqetla qolliniwatimiz» dep oylawatqan aktiyorlar we istixbarat teshkilatlirigha nisbeten melum mezgildin kéyin chong tehditke aylinishi turghanla gep.  özi peyda bolghan ailisige, jemiyetke we döletke sadaqiti bolmighan robotlarning yer shari xaraktérilik istixbarat teshkilatlirigha yaki özi turuwatqan döletlerge sadiq bolidighanliqini oylash eqliy körlüktin bashqa nerse emes.

shunga bashqa héchnersini hésabqa almighandimu, dunyani kütüp turghan bondaq bir istila herikitining aldini jasaret bilen tosqan, özi we ailisige perwasiz bu térroluq teshkilati heqqide dunyada tunush peyda qilghan, türkiyege we uning jumhur reisige pütün dunyaning teshekkür burchi barliqi éniq.  

 

   yuqirida yildirim beyazit uniwérsitéti siyasiy penler fakultéti bashliqi piroféssor doktor qudret bulbulning meslige munasiwetlik analizini diqqitinglargha sunduq. kéler hepte yene oxshash waqitta, yene bashqa analizlirini diqqitinglargha sunimiz. 


خەتكۈچ: dunya közniki

مۇناسىۋەتلىك خەۋەرلەر