истанбул технологийә фестивали

истанбулдики технологийә фестивали

истанбул технологийә фестивали

истанбулдики технологийә көргәзмиси

түркийәдә бу йил сентбирдә мудапиә, аләм қатниши, технологийә вә авиатсийә саһәлиридә икки муһим паалийәт вуҗудқа чиқти. паалийәтлиридин бирси 2018-йили 20-23-сентәбир күнлиридә түркийәниң муһим лайиһәлиридин бири болған хәлқара 3-айродурумида өткүзүлгән «технологийә истанбул», иккинчиси болса 2018-йили 27-30-сентәбир күнлиридә истанбул ататүрк айродурумида өткүзүлгән «истанбул авиатсийә көргәзмиси»иди. икки паалийәтниң бириси өткүзүлгән маканлардин бири пат йеқинда тақиветилидиған ататүрк айродуруми болған болса, йәнә бир пат йеқинда ишқа кириштүрүлидиған хәлқара 3-айродурум иди. түркийәниң бир һәптә ичидә бундақ муһим икки паалийәтни өткүзүши авиатсийә вә аләм қатниши саһәсидә ташланған зор қәдәмләр һесаблиниду. бу паалийәтләр гә хәлқимиз болупму йашларниң алаһидә көңүл бөлүши кишини һәқиқәтән үмидләндүриду.  

түрк һәрбий-сода уйушмиси маарип мудири таркан зәнгинниң темиға мунасивәтлик анализини тәқдим қилимиз.

авиатсийә, аләм қатниши вә технологийә фестивали түркийәдә тунҗи қетим өткүзүлди. бу қетимқи фестивал ситанбул шәһәрлик һөкүмити билән « т 3» вәқпәси башчилиқида уйуштурулди. фестивалниң ечилиш мурасимида сөз қилған «т 3»вәқпәси тәшклий һәйәт башлиқи сәлчук байрактар: бүгүн бу саһәдә бәрпа қилип чиққан аилимиз вә  чүшимиз риаллиққа айланған күндур, бүгүн йәрлик техника истиратегийәмизниң нишанини онлар миңларчә, йүз миңларчә йашлиримизға тонуштурған күндүр, бүгүн биз меңиватқан йолда йалғуз әмәсликимизни испатлап беридиған муһим күндур.» «т 3» вәқпәсиниң қурулуш мәқсити йәрлик технологийә оқуш пули пирограммиси вә технологийә қошунлиир пирограммиси даирисидә алий мәктәп технологийә мәркәзлиригә үскүнә, техинкилиқ билимләр, қатнаш вә хадим йетиштүрүш қатарлиқ җәһәтләрдә мәслиһәт бериштин ибарәт.  бу вәқпәниң әң муһим нишанлиридин бири 2023-йилиғичә «1001 технологийә қошуни вә 1001 технологийә паалийәтлири»ни қоллаштур.

нурғун үскүнә, аппарат вә мәһсулат көргәзмә қилинған бу фестивалға кириш һәқсиз иди. авиатсийәчилик, аләм қатниши вә технологийә саһәлиригә хәлқниң диққитини қозғап бу саһәдә учур-мәлуматқа игә қилиш мәқситидә өткүзүлгән фестивалға нурғун киши қатнашти. фестивални 4 күн ичидә 550 миң аәм екскурсийә қилди, йашлар вә тәнтәрбийә министирлиқи 42 вилайәттин 10миң йашни тәшкилләп бу қетимқи фестивалға қатнаштурди, фестивалда 14 категорийә бойичә мусабиқә уйуштурулди, мусабиқиләргә йашлар алаһидә қизиқти, фестивал даирисидә нурғун мусабиқә уйуштурулди, мәсилән оттура вә толуқ оттура мәктәп , толуқ курс, магестир вә доктор оқуғучилар  технологийә мусабиқилири, учқучисиз һава аппарати мусабиқиси, учқучисиз су асти системилири мусабиқиси, модел айропилан мусабиқиси, машина адәм такси мусабиқиси, машина адәм  фатиһ 1453 мусабиқиси, ракетамийут мусабиқиси, сүний әқил мусабиқиси, шопурсиз қуруқлуқ машина мусабиқиси, учқучисиз уруш айропилани, оқуғучилар модел сүний һәмраһ мусабиқиси қатарлиқлардин ибарәт. бу технологийә мусабиқилиригә 750дин артуқ әтрәт, 2000дин артуқ киши қатнашти, мусабиқиларда йашларниң ипадиси алаһидә болди, түркийәни технологийә ишләпчиқиралайдиған җәмийәткә айландуруш вә йәрлик технологийә истиратегийәлири йолға қойуш мәқситидә өткүзүлгән бу қетимқи фествалға йашлар иҗадий әсәрлири билән қатнашти. йашларниң технологийәгә болған қизиқиши технологийә йариталайдиған йаш әвладларниң қабилйитини намайән қилишиға түрткә болиду.

фестивалда авиатсийә саһәсидә ишләпиқирилған йәрлик мәһсулатлар көргәзмә қилинди. бу даирдә түрк учқучилар, парашот әтрити, 129 атак тикучар қошуни, « т б 2»қораллиқ учқучисиз һава аппарати вә түркийәниң тунҗи кәспий серкчи учқучиси билән қизиниң серкчилик номурлири, асманда әркин учуш елип барған горзинтал шамал тунел мунбири, истанбул толуқ оттура мәктәпләрара модел айропилан мусабиқилири екскурсийәчиләрниң зор қизиқишини қозғиди. фестивалда йәнә истанбул сибәр хәвпсизлик мусабиқиси, хәлқара иҗадкарлар йиғини, дунйа бойичә әң тез сүрәтлик 7 машина мусабиқиләшкән «мусабиқиләрниң мусабиқиси», тикучар вә серкчилик ойунлири, парашоттин сәкрәш мусабиқилири, һава аппаратлири көргәзмиси, тәқлидий ойунлар, технологийә вә тәлим-тәрбийә курслириға охшаш муһим паалийәтләрму уйуштурулди. фестивалда  зийарәтчиләр йәнә һәрбий вә аммиви һава аппаратлирини көрүш пурситигә еришти. әнқә, йәрлик һәрбий айропилан, « т 624» намлиқ тикучарлар, гөктүрк-2 сүний һәмраһ, һүр намлиқ тикучар, йеңи әвлад һәрбий тәлим-тәрбийә һүркүш айропилани вә атак намлиқ тикучарлар зор қизиқиш пәйда қилди. фестивалда йәрлик вә чәт әллик мутәхәссиләр технологийә саһәси бойичә лексийә бәрди.

җумһур рәис рәҗәп таййип әрдоған рәпиқиси әминә әрдоған билән бирликтә 22-сентәбир шәнбә күни фестивални екскурсийә қилди. фестивал даирисидә уйуштурулған мусабиқиләрдә нәтиҗә қазанғанларға мукапат буйуми тарқитип бәргән җумһур рәис рәҗәп таййип әрдоған муһим сөзләрни қилди. әрдоған сөзидә түркийәниң мудапиә санаити вә технологийә саһәсидә қилишқа тегишлик ишлар үстидә тохталди, җумһур рәис әрдоған: күнимиз дунйасида һәққий мәнидики мустәқиллиқниң биринчи шәрти технологийәни йариталайған, ишләпчиқиралайдиған вә експорт қилалайдиған дөләтләрдур. һәр йеңилиққа охшаш технологийәдики тәрәққийатларниң тунҗи басқучи  тәсәввур қилиштур, <қизил алма>дәп тәсвирләнгән упуқимизниң у тәрипидики нишанлиримиз давамлиқ йеңилип туриду. қачанки тәсәввур қилишни тәрк қилған болса у вақиттин башлап чекиншкә башлидуқ. тәсәввримиз вә хийаллиримизниң кәйнидин маңғанлиқимиз үчүн түркийәгә бәзи төһпиләрни қошалидуқ, һазирқи заман бихәтәрлик уқуминиң мәниси зор дәриҗидә өзгәрди, маддий бихәтәрликимизни сибәр бихәтәрлик, сипирлиқ-рәқәмлик санаити вә йәрлик йумшақ детал пирограммиси билән сәплийәлмисәк ишимиз чатақ. биз йәрлик технологийә истиратегийәси даирисидә елип бериливатқан барлиқ хизмәтләрни қоллап келиватимиз, биз йашлиримизниң нәзәр даирисини кеңәйтиш үчүн тиришчанлиқ көрситиватимиз. йеқинқи күнләрдә биз дуч келиватқан һәр вәқә-һадисә технологийә вә мудапиә санаити оттурисидики мунасивәтни намайән қилип бериду. өз күчимизгә тайинип мустәқил һалда технологийә йаритиш йолида күч сәрп қиливатимиз, деди. әрдоған йәрлик технологийә истиратегийәсиниң түркийәниң мәвҗудлуқи үчүн қанчилик муһимлиқини алаһидә тәкитләп өтти.



مۇناسىۋەتلىك خەۋەرلەر