istanbul téxnologiye féstiwali

istanbuldiki téxnologiye féstiwali

istanbul téxnologiye féstiwali

istanbuldiki téxnologiye körgezmisi

türkiyede bu yil séntbirde mudapie, alem qatnishi, téxnologiye we awiatsiye saheliride ikki muhim paaliyet wujudqa chiqti. paaliyetliridin birsi 2018-yili 20-23-séntebir künliride türkiyening muhim layiheliridin biri bolghan xelqara 3-ayrodurumida ötküzülgen «téxnologiye istanbul», ikkinchisi bolsa 2018-yili 27-30-séntebir künliride istanbul atatürk ayrodurumida ötküzülgen «istanbul awiatsiye körgezmisi»idi. ikki paaliyetning birisi ötküzülgen makanlardin biri pat yéqinda taqiwétilidighan atatürk ayrodurumi bolghan bolsa, yene bir pat yéqinda ishqa kirishtürülidighan xelqara 3-ayrodurum idi. türkiyening bir hepte ichide bundaq muhim ikki paaliyetni ötküzüshi awiatsiye we alem qatnishi saheside tashlanghan zor qedemler hésablinidu. bu paaliyetler ge xelqimiz bolupmu yashlarning alahide köngül bölüshi kishini heqiqeten ümidlendüridu.  

türk herbiy-soda uyushmisi maarip mudiri tarkan zenginning témigha munasiwetlik analizini teqdim qilimiz.

awiatsiye, alem qatnishi we téxnologiye féstiwali türkiyede tunji qétim ötküzüldi. bu qétimqi féstiwal sitanbul sheherlik hökümiti bilen « t 3» weqpesi bashchiliqida uyushturuldi. féstiwalning échilish murasimida söz qilghan «t 3»weqpesi teshkliy heyet bashliqi selchuk bayraktar: bügün bu sahede berpa qilip chiqqan ailimiz we  chüshimiz rialliqqa aylanghan kündur, bügün yerlik téxnika istiratégiyemizning nishanini onlar minglarche, yüz minglarche yashlirimizgha tonushturghan kündür, bügün biz méngiwatqan yolda yalghuz emeslikimizni ispatlap béridighan muhim kündur.» «t 3» weqpesining qurulush meqsiti yerlik téxnologiye oqush puli pirogrammisi we téxnologiye qoshunliir pirogrammisi dairiside aliy mektep téxnologiye merkezlirige üsküne, téxinkiliq bilimler, qatnash we xadim yétishtürüsh qatarliq jehetlerde meslihet bérishtin ibaret.  bu weqpening eng muhim nishanliridin biri 2023-yilighiche «1001 téxnologiye qoshuni we 1001 téxnologiye paaliyetliri»ni qollashtur.

nurghun üsküne, apparat we mehsulat körgezme qilinghan bu féstiwalgha kirish heqsiz idi. awiatsiyechilik, alem qatnishi we téxnologiye sahelirige xelqning diqqitini qozghap bu sahede uchur-melumatqa ige qilish meqsitide ötküzülgen féstiwalgha nurghun kishi qatnashti. féstiwalni 4 kün ichide 550 ming aem ékskursiye qildi, yashlar we tenterbiye ministirliqi 42 wilayettin 10ming yashni teshkillep bu qétimqi féstiwalgha qatnashturdi, féstiwalda 14 katégoriye boyiche musabiqe uyushturuldi, musabiqilerge yashlar alahide qiziqti, féstiwal dairiside nurghun musabiqe uyushturuldi, mesilen ottura we toluq ottura mektep , toluq kurs, magéstir we doktor oqughuchilar  téxnologiye musabiqiliri, uchquchisiz hawa apparati musabiqisi, uchquchisiz su asti sistémiliri musabiqisi, modél ayropilan musabiqisi, mashina adem taksi musabiqisi, mashina adem  fatih 1453 musabiqisi, rakétamiyut musabiqisi, süniy eqil musabiqisi, shopursiz quruqluq mashina musabiqisi, uchquchisiz urush ayropilani, oqughuchilar modél süniy hemrah musabiqisi qatarliqlardin ibaret. bu téxnologiye musabiqilirige 750din artuq etret, 2000din artuq kishi qatnashti, musabiqilarda yashlarning ipadisi alahide boldi, türkiyeni téxnologiye ishlepchiqiralaydighan jemiyetke aylandurush we yerlik téxnologiye istiratégiyeliri yolgha qoyush meqsitide ötküzülgen bu qétimqi féstwalgha yashlar ijadiy eserliri bilen qatnashti. yashlarning téxnologiyege bolghan qiziqishi téxnologiye yaritalaydighan yash ewladlarning qabilyitini namayen qilishigha türtke bolidu.

féstiwalda awiatsiye saheside ishlepiqirilghan yerlik mehsulatlar körgezme qilindi. bu dairde türk uchquchilar, parashot etriti, 129 atak tikuchar qoshuni, « t b 2»qoralliq uchquchisiz hawa apparati we türkiyening tunji kespiy sérkchi uchquchisi bilen qizining sérkchilik nomurliri, asmanda erkin uchush élip barghan gorzintal shamal tunél munbiri, istanbul toluq ottura mekteplerara modél ayropilan musabiqiliri ékskursiyechilerning zor qiziqishini qozghidi. féstiwalda yene istanbul siber xewpsizlik musabiqisi, xelqara ijadkarlar yighini, dunya boyiche eng téz süretlik 7 mashina musabiqileshken «musabiqilerning musabiqisi», tikuchar we sérkchilik oyunliri, parashottin sekresh musabiqiliri, hawa apparatliri körgezmisi, teqlidiy oyunlar, téxnologiye we telim-terbiye kurslirigha oxshash muhim paaliyetlermu uyushturuldi. féstiwalda  ziyaretchiler yene herbiy we ammiwi hawa apparatlirini körüsh pursitige érishti. enqe, yerlik herbiy ayropilan, « t 624» namliq tikucharlar, göktürk-2 süniy hemrah, hür namliq tikuchar, yéngi ewlad herbiy telim-terbiye hürküsh ayropilani we atak namliq tikucharlar zor qiziqish peyda qildi. féstiwalda yerlik we chet ellik mutexessiler téxnologiye sahesi boyiche léksiye berdi.

jumhur reis rejep tayyip erdoghan repiqisi emine erdoghan bilen birlikte 22-séntebir shenbe küni féstiwalni ékskursiye qildi. féstiwal dairiside uyushturulghan musabiqilerde netije qazanghanlargha mukapat buyumi tarqitip bergen jumhur reis rejep tayyip erdoghan muhim sözlerni qildi. erdoghan sözide türkiyening mudapie sanaiti we téxnologiye saheside qilishqa tégishlik ishlar üstide toxtaldi, jumhur reis erdoghan: künimiz dunyasida heqqiy menidiki musteqilliqning birinchi sherti téxnologiyeni yaritalayghan, ishlepchiqiralaydighan we éksport qilalaydighan döletlerdur. her yéngiliqqa oxshash téxnologiyediki tereqqiyatlarning tunji basquchi  tesewwur qilishtur, <qizil alma>dep teswirlengen upuqimizning u teripidiki nishanlirimiz dawamliq yéngilip turidu. qachanki tesewwur qilishni terk qilghan bolsa u waqittin bashlap chékinshke bashliduq. tesewwrimiz we xiyallirimizning keynidin mangghanliqimiz üchün türkiyege bezi töhpilerni qoshaliduq, hazirqi zaman bixeterlik uqumining menisi zor derijide özgerdi, maddiy bixeterlikimizni siber bixeterlik, sipirliq-reqemlik sanaiti we yerlik yumshaq détal pirogrammisi bilen sepliyelmisek ishimiz chataq. biz yerlik téxnologiye istiratégiyesi dairiside élip bériliwatqan barliq xizmetlerni qollap kéliwatimiz, biz yashlirimizning nezer dairisini kéngeytish üchün tirishchanliq körsitiwatimiz. yéqinqi künlerde biz duch kéliwatqan her weqe-hadise téxnologiye we mudapie sanaiti otturisidiki munasiwetni namayen qilip béridu. öz küchimizge tayinip musteqil halda téxnologiye yaritish yolida küch serp qiliwatimiz, dédi. erdoghan yerlik téxnologiye istiratégiyesining türkiyening mewjudluqi üchün qanchilik muhimliqini alahide tekitlep ötti.


خەتكۈچ: téxnologiye , istanbul

مۇناسىۋەتلىك خەۋەرلەر