түрк дунйаси мәдәнийәт вә тәнтәрбийә паалийити әрзурумда башланди

5-нөвәтлик түрк дунйаси мәдәнийәт вә тәнтәрбийә паалийити әрзурум валий мәһкимиси, шәһәрлик һөкүмәт вә ататүрк универстетиниң қоллиши билән «гүнәш вәхпи» тәрипидин өткүзүлди.

түрк дунйаси мәдәнийәт вә тәнтәрбийә паалийити әрзурумда башланди

түркийә авази радийоси хәвири: әрзурум валий мәһкимиси, шәһәрлик һөкүмәт вә ататүрк универстетиниң қоллиши билән «гүнәш вәхпи» тәрипидин өткүзүлгән «түрк дунйаси мәдәнийәт вә тәнтәрбийә паалийити» қош мунар мәдрисәси алдида параттин өтүш билән башланди.

паалийәткә, қоллирида түрк дөләтлириниң байрақлирини вә әнәниви кийим-кечәклирини кийип қатнашқан нурғун кишиләр, «шеһитләр өлмәс, вәтән бөлүнмәс», «вәтән саңа җеним пида» дәп шоар товлиғиничә йакутийә шәһәр мәйданиға қарап пийадә йүрүди.

билал әрдоған мәйдандики ечилиш мурасимида сөз қилди. у әнәнигә айланған «5-нөвәтлик түрк дунйаси мәдәнийәт вә тәнтәрбийә паалийити» ниң әрзурумда өткүзүлгәнликини билдүрди.

у түрк кимлики вә етиқадини гүлләндүрүш үчүн бу хилдики паалийәтләрниң барғансери көпийип давамлишиватқанлиқини әскәртти. у: «йеқинқи икки йилдин буйан һәр хил вәсилә билән моңғулийә, қазақистан, қирғизистан, өбекстан, боснийә-гертсеговина, санҗақ вә ийорданийә көңүл җуғрапийәмиздики нурғун җайларни зийарәт қилдим. шуни көрдүмки, көңүл җуғрапийәмиздә, милйонлар, йүз милйонлар түркийәгә, әнқәрәгә, истанбулға тәлпүнидикән. биз уларниң өзигә болған ишәнчини ашурушимиз вә йол-нишанини көрситишимиз, уларниң келәчики үчүн интайин муһим» деди.



مۇناسىۋەتلىك خەۋەرلەر