türk dunyasi medeniyet we tenterbiye paaliyiti erzurumda bashlandi

5-nöwetlik türk dunyasi medeniyet we tenterbiye paaliyiti erzurum waliy mehkimisi, sheherlik hökümet we atatürk uniwérstétining qollishi bilen «günesh wexpi» teripidin ötküzüldi.

türk dunyasi medeniyet we tenterbiye paaliyiti erzurumda bashlandi

türkiye awazi radiyosi xewiri: erzurum waliy mehkimisi, sheherlik hökümet we atatürk uniwérstétining qollishi bilen «günesh wexpi» teripidin ötküzülgen «türk dunyasi medeniyet we tenterbiye paaliyiti» qosh munar medrisesi aldida parattin ötüsh bilen bashlandi.

paaliyetke, qollirida türk döletlirining bayraqlirini we eneniwi kiyim-kécheklirini kiyip qatnashqan nurghun kishiler, «shéhitler ölmes, weten bölünmes», «weten sanga jénim pida» dep shoar towlighiniche yakutiye sheher meydanigha qarap piyade yürüdi.

bilal erdoghan meydandiki échilish murasimida söz qildi. u enenige aylanghan «5-nöwetlik türk dunyasi medeniyet we tenterbiye paaliyiti» ning erzurumda ötküzülgenlikini bildürdi.

u türk kimliki we étiqadini güllendürüsh üchün bu xildiki paaliyetlerning barghanséri köpiyip dawamlishiwatqanliqini eskertti. u: «yéqinqi ikki yildin buyan her xil wesile bilen mongghuliye, qazaqistan, qirghizistan, öbékstan, bosniye-gértségowina, sanjaq we iyordaniye köngül jughrapiyemizdiki nurghun jaylarni ziyaret qildim. shuni kördümki, köngül jughrapiyemizde, milyonlar, yüz milyonlar türkiyege, enqerege, istanbulgha telpünidiken. biz ularning özige bolghan ishenchini ashurushimiz we yol-nishanini körsitishimiz, ularning kélechiki üchün intayin muhim» dédi.



مۇناسىۋەتلىك خەۋەرلەر