özbékistan bilen ezerbeyjan herbiy kélishim tüzdi

özbékistan bilen  ezerbeyjan dölet mudapie ministirliqliri otturisida 2019 – yilliq herbiy hemkarliq kélishimi imzalandi.

özbékistan bilen ezerbeyjan herbiy kélishim tüzdi

türkiye awazi radiyosi xewiri: özbékistan dölet mudapie ministirliqi axbarat wasitiliri ishxanisining bildürüshiche, özbékistan dölet mudapie ministiri abdusalam ezizow, musteqil döletler birleshme gewdisige eza döletlerning dölet mudapie ministirliri yighinigha qatnishish üchün paytext tashkentte dölet ishliri ziyaritide boluwatqan ezerbeyjan dölet mudapie ministiri zakir hesenow bilen bir yerge jem bolghan. ikki ministir uchrishisht, ezerbeyjan bilen özbékistan otturisidiki herbiy we herbiy telim - terbiye saheliriki hemkarliq we nuqtiiynezerlerdin sirt yene, herbiy téxnika mesililiri toghriliqmu muzakire élip barghan. uchrishishta yene, özbékistan bilen ezerbeyjan dölet mudapie ministirliqliri otturisida 2019 – yilliq herbiy hemkarliq kélishimi imzalanghan.

ezizow yene, bélarusiye dölet mudapie ministiri andréy raykow bilenmu körüshken. ikki dölet otturisidiki herbiy we herbiy telim - terbiye sahesidiki hemkarliqni kücheytish mesililiri muzakire qilinghan uchrishishtin kéyin, ikki dölet dölet mudapie ministirliqliri otturisida 2019 – yilliq herbiy hemkarliq kélishimi imzalanghan. igilinishiche, bu kélishim, özbékistan bilen bélarusiye otturisida qoshma herbiy maniwér ötküzüshnimu öz ichige alidiken.



مۇناسىۋەتلىك خەۋەرلەر