türkiye metbuatlirida bügün 12.01.2018

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

türkiye metbuatlirida bügün 12.01.2018

xeber türk géziti, «erdoghan: <shimaliy süriyede dölet qurushni xalaydighanlar tirnaq chishlep qalidu> dédi» serlewhilik xewiride munularni oqumenlirining diqqitige sundi:

jumhur reis rejep tayyip erdoghan jumhur resilik sariyida ötküzülgen 43 – nöwetlik mehelle komitét bashliqliri yighinida nutuq sözlidi. 

erdoghan süriyening shimalidiki özgirishler üstide toxtilip, «hazir shimaliy süriyede térrorluq karidori shekillendürüshni xalawatqanlar barghu! eslide u yerler daim milliy térritoriyemizning dairiside idi. bizning bu sezgürlikimizni untumanglar! shunga u yerlerde bashqa bir dölet qurush dégendek bolmighur yollargha kirmekchi bolghanlar choqum tirnaq chishliship qalidu» dédi.  

sabah géziti, «erdoghan markél bilen körüshidu» serlewhilik xewiride munularni ortaqlashti:

tashqi ishlar ministiri mewlüt chawushoghlu, jumhur reis rejep tayyip erdoghanning gérmaniyede yéngi hökümet qurulghandin kéyin, bash ministir markél bilen körüshüshni xalighanliqini éytti. chawushoghlu antalyada gérmaniyelik muxbirlarning soallirigha jawap bérip, jumhur reis erdoghanning bash ministir markélni türkiyege teklip qilidighanliqini we öziningmu girmaniyede ziyarette bolidighanliqini bildürdi. 

sitar géziti, «yawropa ittipaqi: <türkiye bilen bolghan munaswetlerni yaxshilishimiz lazim> dédi» serlewhilik xewiride munu uchurlargha orun ajratti:

bulghariye bash ministiri boyko borisow yawropa ittipaqi kéngishining 6 ayliq nöwetchi reisliki mezgilide türkiye bilen bolghan munasiwetlerni yaxshilash üchün qattiq tirishchanliq kـörsitishni telep qilghanliqini bildürüp, «yawropa ittipaqining türkiye bilen bolghan munasiwetlerni yaxshilishi we buning üchün chong tishchanliq körsitishi kérek» dédi.

boyko borisow türkiyening asasliq köp ezasi yawropa elliridin teshkil tapqan shimaliy atlantik ehdi teshkilati (nato)ning ezasi bolush süpiti bilen intayin muhim ikenlikini shundaqla ottura sherqtin köchmen éqimining aldini élishta achquchluq rol oynighanliqini tekitlidi.

hörriyet géziti, «%88 lik qismi tamamlandi. musape eslidiki 9 saettin 3.5 saetke chüshidu» serlewhilik xewiride, munularni yazdi:

istanbul bilen izmir otturisidiki gebze – orxanghazi – izmir téz süretlik qatnash yoli qorulushining % 88  qismi tamamlandi. bu layihe dairisidiki 36 köwrük qurulushidin gebze – bursa arsida 12, susurluk – baliqesir – qiriqaghach  arasida 3, kamalpasha - izmir arisida 2 bolup, jemiy 17 köwrükning qurulushi putti. layihe pütkende 36 köwürk, 3 tonél, 25 yol ötüshmisi, 6 yol rémont qilish merkizi, 3  tonél rémont qilish merkizi teng mulazimet bashlaydu. 

yéngi shepeq géziti, «ushakta yéngi bir hasharat türi bayqaldi» serlewhlik xewiride munu uchurlarni oqurmenlirining diqqitige sundi.

ushakta yéza igiliki aliy inzhénéyiri erdal zengin tetqiqatliri asnasida qurup qoyghan hasharat tutush toziqidin yéngi bir hasharatni bayqidi.  1.88 millimétir chongluqtiki sériq renglik, qizil közlük bu hasharatqa ushak nahiyesige mensup qilghan halda, «Megastigmus usakensis» dep isim qoyuldi. erdal zengin hayatida tunchi qétim körgen bu hasharatning resimini tartip, hasharatshunasliq saheside 45 yildin buyan xizmet körsitip kéliwatqan piroféssor doktor miqtat doghanlargha ewetti. tekshürüsh netijiside uning téxiche körülüp baqmighan yéngi bir hasharat türi ikenliki otturigha chiqti.  



مۇناسىۋەتلىك خەۋەرلەر