12.07.2018

бүгүнки түркийә мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

12.07.2018

түркийә авази радийоси: «‹стар› гезити», «шималий атлантик әһди тәшкилати башлиқлар йиғинида йеңи түркийә һәққидә муһим қарар мақулланди» сәрләвһилик хәвиридә, төвәндики мәлуматларни оқурмәнлириниң диққитигә сунди:

җумһур рәис рәҗәп таййип әрдоған шималий атлантик әһди тәшкилатиниң һалқилиқ башлиқлар йиғиниға қатнишиш үчүн йетип барған белгийәниң пайтәхти бирйусселда һәмминиң қизғин көңүл бөлүшигә еришти. тарихий йиғинниң байаннамисидә болса, терроризмға қарши  күрәш мәсилисидә түркийә билән хәлқаралиқ һәмкарлиқни күчәйтишниң зөрүрлүки тәкитләнди.

«‹йеңи шәпәқ› гезити», «чавушоғлу шималий атлантик әһди тәшкилати башлиқлар йиғинида ғәрб әллири рәһбәрлиригә ениқ сигнал бәрди» сәрләвһилик хәвиридә, төвәндики учурларни оқурмәнлириниң диққитигә сунди:

ташқи ишлар министири мәвлүт чавушоғлу шималий атлантик әһди тәшкилати башлиқлар йиғиниға қатнишиш үчүн йетип барған белгийәниң пайтәхти бирйусселда ғәрб дөләтлириниң рәһбәрлиригә ениқ сигналларни бәрди.

түркийәниң русийәдин «400 - с» башқурулидиған бомба системиси елиши тоғрулуқ тохталған вә «түркийә шималий атлантик әһди тәшкилатидин йирақлишиватиду» тәриқисидики тәнқидләргә инкас қайтурған чавушоғлу, мундақ дәп көрсәтти: «түркийәниң шималий атлантик әһди тәшкилатидин йирақлашқини йоқ, әгәр шималий атлантик әһди тәшкилатидики иттипақдашлиримиз бу еһтийаҗлиримизни қамдиған болса, биз <400 – с> башқурулидиған бомба системисини улардин алған болаттуқ, алдимиздики йилниң ахирлири русийәдин дәсләпки батарийәләр келиду, шуңа буниңдин кейин бу мәсилә һәққидә талаш – тартиш қилишниң һаҗити йоқ.»

«‹вәтән› гезити», «натсист келин муддәтсиз қамақ җазасиға һөкүм қилинди» сәрләвһилик хәвиридә, төвәндики мәлуматларға орун аҗратти:

германийәдә 2000 – 2007 – йиллар арисида 8 түрк, 1 гирек вә бир герман сақчисини өлтүргән NSU  тәшкилатиниң тирик қалған бирдинбир әзаси болған беате зичапе  муддәтсиз қамақ җазасиға һөкүм қилинди.

түркийә ташқи ишлар министирлиқи NSU  тәшкилатини козер қилип ишләткән әсли шәхсләрниң сотқа тартилмиғанлиқини билдүрди.

игилинишичә, NSU  тәшкилати билән германийә мәхпий дөлити оттурисидики мунасивәт паш қилинмиған.

«‹һөрийәт› гезити», «түркийәниң зәйтун йеғи ишләпчиқириш миқдари барғансери йүксәлмәктә» сәрләвһилик хәвиридә, төвәндики мәлуматларни оқурмәнлириниң диққитигә сунди:

йәр шари характерлик зәйтун йеғи ишләпчиқириш миқдари 2016 – 2017 – йиллири төвәнләп кәткән бир пәйттә, түркийә зәйтун йеғи ишләпчиқириш миқдарини әң йүксәк сәвийәгә йәткүзгән дөләт болди. түркийә зәйтун йеғи ишләпчиқириш миқдарини 58 миң тонна ашуруп, 208 миң тонниға йәткүзди. шуниң билән, түркийә дунйа бойичә зәйтун йеғи ишләпчиқириш миқдарини әң йүксәк сәвийәгә йәткүзгән иккинчи дөләт болуп қалди.

«‹сабаһ› гезити», «ник каве истанбулда консерт бәрди» сәрләвһилик хәвиридә, төвәндики учурларни оқурмәнлириниң диққитигә сунди:

авистирийалийәлик толғима уссул музиканти, нахша, китаб вә сенарийә йазғучиси ник каве аридин 17 йил өткәндин кейин истанбулда мәстанилири билән бир йәргә җәм болди.

«25 – нөвәтлик истанбул җаз музикиси фестивали» даирисидә « Grubu The Bad Seeds » билән сәһнигә чиққан сәнәтчи музика мәстанилириниң қизғин алқишиға еришти.



مۇناسىۋەتلىك خەۋەرلەر