12.07.2018

bügünki türkiye metbuatliridin tallap teyyarlighan xewerlirimizning qisqiche mezmunliri töwendikiche:

12.07.2018

türkiye awazi radiyosi: «‹star› géziti», «shimaliy atlantik ehdi teshkilati bashliqlar yighinida yéngi türkiye heqqide muhim qarar maqullandi» serlewhilik xewiride, töwendiki melumatlarni oqurmenlirining diqqitige sundi:

jumhur reis rejep tayyip erdoghan shimaliy atlantik ehdi teshkilatining halqiliq bashliqlar yighinigha qatnishish üchün yétip barghan bélgiyening paytexti biryussélda hemmining qizghin köngül bölüshige érishti. tarixiy yighinning bayannamiside bolsa, térrorizmgha qarshi  küresh mesiliside türkiye bilen xelqaraliq hemkarliqni kücheytishning zörürlüki tekitlendi.

«‹yéngi shepeq› géziti», «chawushoghlu shimaliy atlantik ehdi teshkilati bashliqlar yighinida gherb elliri rehberlirige éniq signal berdi» serlewhilik xewiride, töwendiki uchurlarni oqurmenlirining diqqitige sundi:

tashqi ishlar ministiri mewlüt chawushoghlu shimaliy atlantik ehdi teshkilati bashliqlar yighinigha qatnishish üchün yétip barghan bélgiyening paytexti biryussélda gherb döletlirining rehberlirige éniq signallarni berdi.

türkiyening rusiyedin «400 - s» bashqurulidighan bomba sistémisi élishi toghruluq toxtalghan we «türkiye shimaliy atlantik ehdi teshkilatidin yiraqlishiwatidu» teriqisidiki tenqidlerge inkas qayturghan chawushoghlu, mundaq dep körsetti: «türkiyening shimaliy atlantik ehdi teshkilatidin yiraqlashqini yoq, eger shimaliy atlantik ehdi teshkilatidiki ittipaqdashlirimiz bu éhtiyajlirimizni qamdighan bolsa, biz <400 – s> bashqurulidighan bomba sistémisini ulardin alghan bolattuq, aldimizdiki yilning axirliri rusiyedin deslepki batariyeler kélidu, shunga buningdin kéyin bu mesile heqqide talash – tartish qilishning hajiti yoq.»

«‹weten› géziti», «natsist kélin muddetsiz qamaq jazasigha höküm qilindi» serlewhilik xewiride, töwendiki melumatlargha orun ajratti:

gérmaniyede 2000 – 2007 – yillar arisida 8 türk, 1 girék we bir gérman saqchisini öltürgen NSU  teshkilatining tirik qalghan birdinbir ezasi bolghan béaté zichapé  muddetsiz qamaq jazasigha höküm qilindi.

türkiye tashqi ishlar ministirliqi NSU  teshkilatini kozér qilip ishletken esli shexslerning sotqa tartilmighanliqini bildürdi.

igilinishiche, NSU  teshkilati bilen gérmaniye mexpiy döliti otturisidiki munasiwet pash qilinmighan.

«‹höriyet› géziti», «türkiyening zeytun yéghi ishlepchiqirish miqdari barghanséri yükselmekte» serlewhilik xewiride, töwendiki melumatlarni oqurmenlirining diqqitige sundi:

yer shari xaraktérlik zeytun yéghi ishlepchiqirish miqdari 2016 – 2017 – yilliri töwenlep ketken bir peytte, türkiye zeytun yéghi ishlepchiqirish miqdarini eng yüksek sewiyege yetküzgen dölet boldi. türkiye zeytun yéghi ishlepchiqirish miqdarini 58 ming tonna ashurup, 208 ming tonnigha yetküzdi. shuning bilen, türkiye dunya boyiche zeytun yéghi ishlepchiqirish miqdarini eng yüksek sewiyege yetküzgen ikkinchi dölet bolup qaldi.

«‹sabah› géziti», «nik kawé istanbulda konsért berdi» serlewhilik xewiride, töwendiki uchurlarni oqurmenlirining diqqitige sundi:

awistiriyaliyelik tolghima ussul muzikanti, naxsha, kitab we sénariye yazghuchisi nik kawé aridin 17 yil ötkendin kéyin istanbulda mestaniliri bilen bir yerge jem boldi.

«25 – nöwetlik istanbul jaz muzikisi féstiwali» dairiside « Grubu The Bad Seeds » bilen sehnige chiqqan senetchi muzika mestanilirining qizghin alqishigha érishti.



مۇناسىۋەتلىك خەۋەرلەر