бинали йилдирим террорчиларни қоллаватқан күчләргә еғир сөз қилди

баш министир бинали йилдирим: «түркийәниң вә вәтәндашлиримизниң бихәтәрликигә мәйли қәйәрдин тәһдит келишидин қәтий нәзәр, дәл вақтида тегишлик җавабини беримиз» деди.

бинали йилдирим террорчиларни қоллаватқан күчләргә еғир сөз қилди

түркийә авази радийоси хәвири: адаләт вә тәрәққийат партийәси рәиси баш вәкили қошумчә баш министир бинали йилдирим түркийәниң хатирҗәмликини бузмақчи болғанларға қәтий пурсәт бәрмәйдиғанлиқини ейтти.

бинали йилдирим партийәсиниң ақсарай 6 – нөвәтлик вилайәтлик қурултийида түнүгүн сөзлигән нутуқида, «түркийәгә қилинидиған һәр түрлүк һуҗумларға, мәйли дөләт ичи вә мәйли сиртидин болушидин қәтий нәзәр тегишлик җаваби берилиду» деди.

бинали йилдирим террорлуқни түркийәниң күтәртипидин пүтүнләй йуқутидиғанлиқини әскәртип, террорлуқниң арқисида қараңғу пиланларниң барлиқини ейтти.

түркийәгә дүшмәнлик қилмақчи болғанларниң хийаллириниң чоқум суға челишидиғанлиқини вә чоқум өзлириниң қосиқида қалидиғанлиқини тәкитләп, «сүрийәдә террорлуқниң муәссәлишишигә қәтий йол қоймаймиз. түркийәниң вә вәтәндашлиримизниң бихәтәрликигә мәйли қәйәрдин тәһдит келишидин қәтий нәзәр, дәл вақтида тегишлик җавабини беримиз» деди.

бинали йилдирим террорлуққа қарши күрәшниң йәр шариниң тинчлиқи үчүн икәнликини җикиләп йәнә мундақ деди:

«түркийәниң хатирҗәмлики, түркийәниң тинчлиқи дегәнлик, өз нөвитидә йәнә, сүрийәниң, ирақниң вә пүтүн қошна дөләтләрниң тинчлиқи һәм қериндашлиқидур, дегәнлик болиду. бизниң ташқи сийаситимизниң йоли достлуқтур. әнқәрә қанчилиқ бихәтәр болса, нийу йоркму, парижму, лондонму йәнә шунчилик хатириҗәмликкә игә болған болиду. чүнки йәр шари характерлик террорлуқ чегра тонимайду. террорлуққа қарши күрәш барлиқ дөләтләрниң ортақ мәсулийитидур. бүгүнки күндиму террорлуқ тәшкилатлирини ишқа селип башқа дөләтләргә қарши һәрикәт қозғимақчи болуватқанлар бар. сүрийәдики п й д, й п г вә п к к қатарлиқларға йаридәм қиливатқан империйалистлар бу районда көз йешиниң вә дәрт – әләмләрниң ахирилишишини халимайду. террорлуқ тәшкилатлириға өз дөлитидә орун бериватқланлар бу хаталиқни балдуррақ ташлиши вә керәклик ишларни қилиши лазим»



مۇناسىۋەتلىك خەۋەرلەر