binali yildirim térrorchilarni qollawatqan küchlerge éghir söz qildi

bash ministir binali yildirim: «türkiyening we wetendashlirimizning bixeterlikige meyli qeyerdin tehdit kélishidin qetiy nezer, del waqtida tégishlik jawabini bérimiz» dédi.

binali yildirim térrorchilarni qollawatqan küchlerge éghir söz qildi

türkiye awazi radiyosi xewiri: adalet we tereqqiyat partiyesi reisi bash wekili qoshumche bash ministir binali yildirim türkiyening xatirjemlikini buzmaqchi bolghanlargha qetiy purset bermeydighanliqini éytti.

binali yildirim partiyesining aqsaray 6 – nöwetlik wilayetlik qurultiyida tünügün sözligen nutuqida, «türkiyege qilinidighan her türlük hujumlargha, meyli dölet ichi we meyli sirtidin bolushidin qetiy nezer tégishlik jawabi bérilidu» dédi.

binali yildirim térrorluqni türkiyening kütertipidin pütünley yuqutidighanliqini eskertip, térrorluqning arqisida qarangghu pilanlarning barliqini éytti.

türkiyege düshmenlik qilmaqchi bolghanlarning xiyallirining choqum sugha chélishidighanliqini we choqum özlirining qosiqida qalidighanliqini tekitlep, «süriyede térrorluqning muesselishishige qetiy yol qoymaymiz. türkiyening we wetendashlirimizning bixeterlikige meyli qeyerdin tehdit kélishidin qetiy nezer, del waqtida tégishlik jawabini bérimiz» dédi.

binali yildirim térrorluqqa qarshi küreshning yer sharining tinchliqi üchün ikenlikini jikilep yene mundaq dédi:

«türkiyening xatirjemliki, türkiyening tinchliqi dégenlik, öz nöwitide yene, süriyening, iraqning we pütün qoshna döletlerning tinchliqi hem qérindashliqidur, dégenlik bolidu. bizning tashqi siyasitimizning yoli dostluqtur. enqere qanchiliq bixeter bolsa, niyu yorkmu, parizhmu, londonmu yene shunchilik xatirijemlikke ige bolghan bolidu. chünki yer shari xaraktérlik térrorluq chégra tonimaydu. térrorluqqa qarshi küresh barliq döletlerning ortaq mesuliyitidur. bügünki kündimu térrorluq teshkilatlirini ishqa sélip bashqa döletlerge qarshi heriket qozghimaqchi boluwatqanlar bar. süriyediki p y d, y p g we p k k qatarliqlargha yaridem qiliwatqan impériyalistlar bu rayonda köz yéshining we dert – elemlerning axirilishishini xalimaydu. térrorluq teshkilatlirigha öz dölitide orun bériwatqlanlar bu xataliqni baldurraq tashlishi we kéreklik ishlarni qilishi lazim»



مۇناسىۋەتلىك خەۋەرلەر