террорчиларға үзлүксиз зәрбә берилмәктә

түркийә армийәси тәрипидин османийә, ширнак вә дийарбәкир әтрапида елип берилған һава һәрикитидә бөлгүнчи террорлуқ тәшкилати п к к әзаси 17 террорист уҗуқтурулди.

terorist para.jpg

түркийә авази радийоси хәвири: түркийә армийә баш иштабидин елан қилинған байанатта, османийә, ширнакниң бәйтушшабаб вә дийарбакирниң кулп наһийәлири әтрапида террорчиларға қарши һава һәрикити елип берилғанлиқи вә һәрикәт нәтиҗисидә 17 террорчиниң уҗуқтурулғанлиқи билдүрүлди. 

ширнакниң бәйтушшабаб наһийәсидә йаридар һаләттә қолға чүшкән террорчилардин бирсиниң мәхпий исминиң мәһмәт гойи вә аталмиш кәлмәһтәртәр фиронти мәсули қәдири байрам икәнлики ениқланди.

районда террорчиларға тәвә «M16» типлиқ милтиқ, аптомат, йәрлик усулда йасивелинған партлатқуч, 2 кичик күп вә 2 сомкидин башқа йәнә, нурғун санда турмуш буйумлири қолға чүшүрүлди.

битлистә 28ийундики һәрикәт җәрйанида уҗуқтурулған террорчилардин бирсиниң қизил ташлиқ тутуш тизимликигә киргүзүлгән террорлуқ тәшкилати п к к/ к җ к ниң аталмиш гарзан өлкиси мәсули сәфәр аҗар икәнлики ениқланди.

ички ишлар министирилиқидин елан қилинған йазма байанатта, аҗарниң 1998йили ирақниң шималидики һәрбий һәрикәт җәрйанида «Skorsky» типлиқ жандарма тик учар айропиланиниң чүшүрүветилишигә вә 15 әскәрниң шеһит болушиға сәвәб болған террорлуқ һуҗуминиң җавабкари икәнлики қәйт қилинди.

сәфәр аҗардин чиққан хатиридә, «чүшүрүветилгән тик учар учқучисиниң йенидин алған бир парчидур. 1998йили 11айни 27күни.» дәп йезилғанлиқи вә 1998йилида тарқитип берилгән 500 миң лирани һуҗумниң хатириси сүпитидә 20 йилдин буйан сақлап келиватқанлиқи ениқланди.  

террорчи сәфәр аҗар қораллиқ террорлуқ тәшклатиға әза болуш, башқиларни әркинликидин мәһрум қилиш, қәстән адәм өлтүрүш, дөләтниң бирлики вә бир пүтүнлүкини бузуш, хәтәрлик маддиларни рухсәтсиз сақлаш вә йөткәш, дөләт муәссиисәлиригә зийан селиш, түркийә җумһурийити һөкүмитини ағдуруш йаки вәзиписигә тосалғу болушқа урунуш қатарлиқ 18 хил җинайити түпәйли тутуш буйруқи чиқирилған иди.



مۇناسىۋەتلىك خەۋەرلەر