chawushoghluning iraq ziyariti

tashqi ishlar ministiri mewlüt chawushoghlu tünügün kechte iraqning nejef shehiride sedr herikitining rehbiri we 12 – may saylamlirining ghalibi muqteda essedr bilen bir yerge jem boldi.

chawushoghluning iraq ziyariti

türkiye awazi radiyosi xewiri: mewlüt chawushoghlu uchrishishtin kéyin élan qilghan bayanatida, sedr bilen ikki döletke munasiwetlik ortaq mesililer we hökümet teshkil qilish paaliyetlirige alaqidar özgirishler heqqide muzakire élip barghanliqlirini éytti.

uchrishishning muweppeqiyetlik ötkenlikini eskertken chawushoghlu, kéyinche hezriti elining nejef shehiridiki meqberisini ziyaret qildi.

tashqi ishlar ministiri mewlüt chawushoghlu tünügün baghdadtiki uchrishishliri jeryanida, iraq pirézidénti berhem salih, parlamént bashliqi muhemmed elhelbusi, yéngi hökümet teshkil qilishqa mesul qilinghan adil abdulmehdi, türkmen parlamént ezaliri, iraqning sabiq muawin pirézidénti usame ennujeyfi we bedir teshkilati rehbiri hadi elamiri qatarliqlar bilen körüshkenidi.



مۇناسىۋەتلىك خەۋەرلەر