seudi erebistan jemal qashiqji weqesini tekshürüshke heyet ewetti

zhurnalist jemal qashiqjining yoqulup kétishige munasiwetlik tekshürüshlerge qatnishish üchün seudi erebistandin bir heyet türkiyege yétip keldi.

seudi erebistan jemal qashiqji weqesini tekshürüshke heyet ewetti

 

türkiye awazi radiyosi xewiri: paytext enqerege yétip kelgen seudi erebistan heyiti bilen türk mesullar otturisida heptining axirida muzakirilerning ötküzülishi mölcherlenmekte.

seudi erebistanliq islahatchilargha nisbeten muhim bir munber hésablinidighan el weten gézitige zor töhpe qoshqan we shuning bilen birge yene, washingiton poshta gézitidimu yazghuchiliq qilghan jemal qashiqchi 2öktebirde bezi resmiyetlerni béjirish üchün seudi erebistanning istanbuldiki konsulxanisigha kirip ketkenche yoqulup ketken idi.

türkiye amanliqni saqlash dairiliri jemal qashiqchining seudi erebistan konsulxanisidin sirtqa chiqip baqmighanliqini mueyyenleshtürdi.

türkiye amanliqni saqlash dairiliri shu küni 2 ayropilan bilen istanbulgha kelgen we seudi erebistan emeldarlirinimu öz ichige alghan 15 kishining yene shu küni seudi erebistangha qaytip ketkenliki heqqidimu melumatlarnimu hembehirleshken idi.

istanbul jumhuriyet bash teptish mehkimisi jemal qashiqchining yoqulup kétishige alaqidar bashlighan tekshürüshlirini dawamlashturmaqta.



مۇناسىۋەتلىك خەۋەرلەر