түркийә билән сәуди әрәбистан йоқап кәткән журналист вәқәсини бирликтә ениқлап чиқиду

җумһур рәислик сарийи байанатчиси ибраһим қалин сәуди әрәбистанниң тәклипигә бинаән журналист қашиқчи вәқәсини тәкшүрүш үчүн түркийә билән сәуди әрәбистанниң ортақ хизмәт гурупписи тәшкил қилиш тоғрулуқ қарарчиқирилғанлиқини ейтти.

түркийә билән сәуди әрәбистан йоқап кәткән журналист вәқәсини бирликтә ениқлап чиқиду

түркийә авази радийоси хәвири: қалин  2 – өктәбир күни сәуди әрәбистанниң истанбулдики баш консулханисиға киргәндин кейин йоқап кәткән  вә америка қошма иштатлирида чиқидиған «‹ Washington Post › гезити» ниң йазғучиси җамал қашиқчи һәққидә елан қилған байанатида, мундақ деди: «түркийә билән сәуди әрәбистан оттурисидики һәмкарлиқ даирисидә вә сәуди әрәбистанниң тәклипигә бинаән, сәуди әрәбистанлиқ журналист җамал қашиқчи вәқәсини тәпсилий тәкшүрүп ениқлап чиқиш мәқситидә ортақ хизмәт ишләш гурупписи қуруп чиқиш қарарлаштурулди.»

сәуди әрәбистан һөкүмити илгириму истанбулдики баш консулханисида тәкшүрүш елип берилишиға рухсәт қилғаниди.

сәуди әрәбистанлиқ ислаһатчиларға нисбәтән муһим мунбәр һесаблинидиған «‹вәтән› гезити» гә муһим төһпиләрни қошқан һәмдә ғәрб таратқулирида оттура шәрқ райониға мунасивәтлик хәвәрлири билән тонулған җамал қашиқчи, 2 – өктәбир күни рәсмийәтлирини беҗириш үчүн сәуди әрәбистанниң истанбулдики баш консулханисиға киргәндин кейин йоқап кәткәниди.

сәуди әрәбистанниң истанбулдики баш консулханисиниң аммиви ортақлишиш тор бети Twitter сәһиписидә, 4 – өктәбир күни елан қилинған байанатта, сәуди әрәбистан пуқраси җамал қашиқчиниң баш консулханидин чиққандин кейин йоқап кәткәнлики илгири сүрүлгәниди.

вәқәдин кейин, истанбул җмһурийәт баш тәптиш мәһкимиси җамал қашиқчиниң ақивитини тәкшүрүшкә башлиди.



مۇناسىۋەتلىك خەۋەرلەر