türkiye bilen seudi erebistan yoqap ketken zhurnalist weqesini birlikte éniqlap chiqidu

jumhur reislik sariyi bayanatchisi ibrahim qalin seudi erebistanning teklipige binaen zhurnalist qashiqchi weqesini tekshürüsh üchün türkiye bilen seudi erebistanning ortaq xizmet guruppisi teshkil qilish toghruluq qararchiqirilghanliqini éytti.

türkiye bilen seudi erebistan yoqap ketken zhurnalist weqesini birlikte éniqlap chiqidu

türkiye awazi radiyosi xewiri: qalin  2 – öktebir küni seudi erebistanning istanbuldiki bash konsulxanisigha kirgendin kéyin yoqap ketken  we amérika qoshma ishtatlirida chiqidighan «‹ Washington Post › géziti» ning yazghuchisi jamal qashiqchi heqqide élan qilghan bayanatida, mundaq dédi: «türkiye bilen seudi erebistan otturisidiki hemkarliq dairiside we seudi erebistanning teklipige binaen, seudi erebistanliq zhurnalist jamal qashiqchi weqesini tepsiliy tekshürüp éniqlap chiqish meqsitide ortaq xizmet ishlesh guruppisi qurup chiqish qararlashturuldi.»

seudi erebistan hökümiti ilgirimu istanbuldiki bash konsulxanisida tekshürüsh élip bérilishigha ruxset qilghanidi.

seudi erebistanliq islahatchilargha nisbeten muhim munber hésablinidighan «‹weten› géziti» ge muhim töhpilerni qoshqan hemde gherb taratqulirida ottura sherq rayonigha munasiwetlik xewerliri bilen tonulghan jamal qashiqchi, 2 – öktebir küni resmiyetlirini béjirish üchün seudi erebistanning istanbuldiki bash konsulxanisigha kirgendin kéyin yoqap ketkenidi.

seudi erebistanning istanbuldiki bash konsulxanisining ammiwi ortaqlishish tor béti Twitter sehipiside, 4 – öktebir küni élan qilinghan bayanatta, seudi erebistan puqrasi jamal qashiqchining bash konsulxanidin chiqqandin kéyin yoqap ketkenliki ilgiri sürülgenidi.

weqedin kéyin, istanbul jmhuriyet bash teptish mehkimisi jamal qashiqchining aqiwitini tekshürüshke bashlidi.



مۇناسىۋەتلىك خەۋەرلەر