әрдоған: «фират дәрйаси» ниң шәрқидики террорчиларниң увилирини йәр билән йәксан қиливетимиз

җумһур рәис рәҗәп таййип әрдоған сүрийәдә «фират дәрйаси» ниң шәрқидики террорчиларниң увилириниң йәр билән йәксан қиливетилидиғанлиқини ейтти.

әрдоған: «фират дәрйаси» ниң шәрқидики террорчиларниң увилирини йәр билән йәксан қиливетимиз

түркийә авази радийоси хәвири: җумһур рәис әрдоған испартада өткүзүлгән «2018 – йиллиқ 8 – басқучлуқ йуқири дәриҗилик әскәрләр курси» ни пүттүрүш мурасимида қилған сөзидә, дөләт хәвпсизлик күчлириниң  дөләт ичи-сиртида террорчиларға адәттин ташқири дәриҗидә қақшатқуч зәрбә бериватқанлиқини тәкитләп мундақ деди: «худайим буйриса, қисқа вақит ичидә бу курсни пүттүргән әскәрлиримизниңму йардими билән <фират дәрйаси> ниң шәрқидики террорчиларниң увилирини йәр билән йәксан қиливетимиз.»

2016 – йилқи 15 – ийул һәрбий исйан урунуши тоғрилиқму тохталған җумһур рәис әрдоған, мундақ деди: «бәзиләр <қайта баш көтүрәлмәйдиған әһвалға чүшүрүп қойдуқ> дәп гуман қилғанларниң армийәмизниң тарихида һеч көрүлүп бақмиған мислисиз қудритини көрүп ағзи ечилип қалди.»

түркийәниң йеқинқи мәзгилдә бирқатар иғвагәрлик һуҗумлириға учраватқанлиқини әскәрткән җумһур рәис әрдоған, бу һуҗумларниң  түркийәниң хәлқаралиқ сетивелиш өлчәмлиригә асасән дунйа бойичә әң күчлүк 13 -, миллий кирим өлчәмлири бойичә әң күчлүк 17 – дөләт икәнликидин ибарәт өлмәс һәқиқәтни өзгәртәлмәйдиғанлиқини тәкитләп мундақ деди: «башқилар тәрипидин биз нөвәттә дуч келиватқан тосалғулар қандақ болушидин қәтийнәзәр, чоқум бир чиқиш йолини тепип, бу тосалғуларни пачақлап ташлаймиз. ғәлитә баһанә – сәвәбләрни көрситип, дөлитимизгә бәргән вәдисидә турмайватқанларға, йәнә ғәлитә баһанә – сәвәбләр билән бизгә ембарго йүргүзүшкә урунуватқанларға, әсилидә зийан тартқучиларниң биз әмәс, әнә шулар икәнликини көрситип қойимиз. бизгә тақалған һәр бир ишиккә қарши 10 ишикни ечиш билән, бизниң алдимизға чиқириливатқан һәр бир қийин өткәлгә қарши 10 түрлүк қолайлиқни һәрикәткә кәлтүрүш арқилиқ селинмилиримизни вә иқтисадий тәрәққийатимизни изчил  давамлаштуримиз.»



مۇناسىۋەتلىك خەۋەرلەر