erdoghan: «firat deryasi» ning sherqidiki térrorchilarning uwilirini yer bilen yeksan qiliwétimiz

jumhur reis rejep tayyip erdoghan süriyede «firat deryasi» ning sherqidiki térrorchilarning uwilirining yer bilen yeksan qiliwétilidighanliqini éytti.

erdoghan: «firat deryasi» ning sherqidiki térrorchilarning uwilirini yer bilen yeksan qiliwétimiz

türkiye awazi radiyosi xewiri: jumhur reis erdoghan ispartada ötküzülgen «2018 – yilliq 8 – basquchluq yuqiri derijilik eskerler kursi» ni püttürüsh murasimida qilghan sözide, dölet xewpsizlik küchlirining  dölet ichi-sirtida térrorchilargha adettin tashqiri derijide qaqshatquch zerbe bériwatqanliqini tekitlep mundaq dédi: «xudayim buyrisa, qisqa waqit ichide bu kursni püttürgen eskerlirimizningmu yardimi bilen <firat deryasi> ning sherqidiki térrorchilarning uwilirini yer bilen yeksan qiliwétimiz.»

2016 – yilqi 15 – iyul herbiy isyan urunushi toghriliqmu toxtalghan jumhur reis erdoghan, mundaq dédi: «beziler <qayta bash kötürelmeydighan ehwalgha chüshürüp qoyduq> dep guman qilghanlarning armiyemizning tarixida héch körülüp baqmighan mislisiz qudritini körüp aghzi échilip qaldi.»

türkiyening yéqinqi mezgilde birqatar ighwagerlik hujumlirigha uchrawatqanliqini eskertken jumhur reis erdoghan, bu hujumlarning  türkiyening xelqaraliq sétiwélish ölchemlirige asasen dunya boyiche eng küchlük 13 -, milliy kirim ölchemliri boyiche eng küchlük 17 – dölet ikenlikidin ibaret ölmes heqiqetni özgertelmeydighanliqini tekitlep mundaq dédi: «bashqilar teripidin biz nöwette duch kéliwatqan tosalghular qandaq bolushidin qetiynezer, choqum bir chiqish yolini tépip, bu tosalghularni pachaqlap tashlaymiz. ghelite bahane – seweblerni körsitip, dölitimizge bergen wediside turmaywatqanlargha, yene ghelite bahane – sewebler bilen bizge émbargo yürgüzüshke urunuwatqanlargha, esilide ziyan tartquchilarning biz emes, ene shular ikenlikini körsitip qoyimiz. bizge taqalghan her bir ishikke qarshi 10 ishikni échish bilen, bizning aldimizgha chiqiriliwatqan her bir qiyin ötkelge qarshi 10 türlük qolayliqni heriketke keltürüsh arqiliq sélinmilirimizni we iqtisadiy tereqqiyatimizni izchil  dawamlashturimiz.»



مۇناسىۋەتلىك خەۋەرلەر