америкилиқ раһип бирунсон 3 йил 1 айлиқ қамақ җазасиға һөкүм қилинди

бүгүнки һөкүм чиққичә болған җәрйанда америкилиқ раһип бирунсонниң өйдә назарәттә тутуп турулған вақти қамақ җазаси һесаблинип, қойуп берилди.

америкилиқ раһип бирунсон 3 йил 1 айлиқ қамақ җазасиға һөкүм қилинди

 

 

түркийә авази радийоси хәвири: измирдә фәтһуллачи террорлуқ тәшкилати вә п к к бөлгүнчи террорлуқ тәшкилати үчүн җинайәт өткүзүш вә җасуслуқ қилиш билән әйиблинип, 35 йиллиқ қамақ җазаси тәләб қилинған шундақла өйдә назарәттә тутуп туруш җазаси берилгән америкилиқ раһип андирев бирунсон бүгүн сот қилинди.

измир 2еғир җаза мәһкимисидики сотта, бирунсон 3 йил 1 айлиқ қамақ җазасиға һөкүм қилинди.

өйдә назарәт астида тутуш вә чәт әлгә чиқишини чәкләш һөкүмлири әмәлдин қалдурулди. бирунсонниң бүгүнки һөкүм чиққичә болған җәрйанда өйдә назарәттә тутуп турулған вақти қамақ җазаси һесаблинип, қойуп берилди.

сотниң қарари һәққидә байанат елан қилған бирунсонниң адвукати, «берилгән җазани қамақ җазаси сүпитидә қобул қилмаймиз. алий сотқа әрз қилимиз, етираз билдүрүш һоқуқимизни ишқа салимиз» деди.

америка пирезиденти доналд трамп сотниң қарари елан қилинип узун өтмәйла тивиттер һесабидин елан қилған байанатида, «раһип бирунсун үчүн интайин зич хизмәт ишлидуқ» дегән сөзләрни ишләтти.

аридин узун өтмәй йәнә бир учур елан қилған доналд трамп, «ой пикрим вә дуалирим раһип бирунсун билән биргә. қисқа вақитта уни өйидә көрүшни үмид қилимиз» деди. 



مۇناسىۋەتلىك خەۋەرلەر