amérikiliq rahip birunson 3 yil 1 ayliq qamaq jazasigha höküm qilindi

bügünki höküm chiqqiche bolghan jeryanda amérikiliq rahip birunsonning öyde nazarette tutup turulghan waqti qamaq jazasi hésablinip, qoyup bérildi.

amérikiliq rahip birunson 3 yil 1 ayliq qamaq jazasigha höküm qilindi

 

 

türkiye awazi radiyosi xewiri: izmirde fethullachi térrorluq teshkilati we p k k bölgünchi térrorluq teshkilati üchün jinayet ötküzüsh we jasusluq qilish bilen eyiblinip, 35 yilliq qamaq jazasi teleb qilinghan shundaqla öyde nazarette tutup turush jazasi bérilgen amérikiliq rahip andiréw birunson bügün sot qilindi.

izmir 2éghir jaza mehkimisidiki sotta, birunson 3 yil 1 ayliq qamaq jazasigha höküm qilindi.

öyde nazaret astida tutush we chet elge chiqishini cheklesh hökümliri emeldin qalduruldi. birunsonning bügünki höküm chiqqiche bolghan jeryanda öyde nazarette tutup turulghan waqti qamaq jazasi hésablinip, qoyup bérildi.

sotning qarari heqqide bayanat élan qilghan birunsonning adwukati, «bérilgen jazani qamaq jazasi süpitide qobul qilmaymiz. aliy sotqa erz qilimiz, étiraz bildürüsh hoquqimizni ishqa salimiz» dédi.

amérika pirézidénti donald tramp sotning qarari élan qilinip uzun ötmeyla tiwittér hésabidin élan qilghan bayanatida, «rahip birunsun üchün intayin zich xizmet ishliduq» dégen sözlerni ishletti.

aridin uzun ötmey yene bir uchur élan qilghan donald tramp, «oy pikrim we dualirim rahip birunsun bilen birge. qisqa waqitta uni öyide körüshni ümid qilimiz» dédi. 



مۇناسىۋەتلىك خەۋەرلەر