ortaq tekshürüsh guruppisi, seudi erebistan konsulxanisidiki tekshürüshni axirlashturdi

zhurnalist jemal qashiqji (xashiqji) weqesini ortaq tekshürüsh guruppisining türkiyelik we erebistanliq xadimliri konsulxanidiki tekshürüsh xizmetlirini axirlashturdi.

ortaq tekshürüsh guruppisi, seudi erebistan konsulxanisidiki tekshürüshni axirlashturdi

türkiye awazi radiyosi xewiri: 2 – öktebirde seudi erebistanning istanbuldiki konsulxanisigha kirip ketkendin kéyin izdéreksiz yoqap ketken zhurnalist jemal qashiqji (xashiqji) weqesini ortaq tekshürüsh guruppisining türkiyelik we erebistanliq xadimliri konsulxanidiki tekshürüsh xizmetlirini axirlashturdi.

saqchilar we tekshürüsh xadimlirining 9 saet dawamlashqan tekshürüshtin kéyin binadin ayrilghanliqi körüldi.

ortaq tekshürüsh guruppisining türk we ereb xadimliri weqeni tekshürüshni dawamlashturmaqta.

konsulxanigha aldi bilen normal nomur taxtiliq aptomobillargha olturghan seudiliq xadimlar yétip barghan, arqidin ortaq tekshürüsh guruppisining türk xadimliri binagha kirgenidi.

ortaq tekshürüsh guruppisi qurush teklipini ötken hepte seudi erebistan terep otturigha qoyghanidi.

istanbul jumhuriyet bash teptish mehkimisimu yoqap ketken zhurnalistning aqiwitini tekshürüshni bashlighanidi.



مۇناسىۋەتلىك خەۋەرلەر