amérika irangha téximu qattiq émbargo yürgüzüshke teyyarlanmaqta

amérika qoshma ishtatliri iranning süriyediki nopuzini yoqitish meqsitide téhrangha «téximu qattiq émbargo» yürgüzüshke teyyarlanmaqta.

amérika irangha téximu qattiq émbargo yürgüzüshke teyyarlanmaqta

türkiye awazi radiyosi xewiri: amérika muawin tashqi ishlar ministiri, qoshumche yéqin sherq munasiwetliri muawin mesuli deywid sattarféld bu heqtiki soalgha jawab bergende, iranning süriyediki nopuzini yoqitish we dölettiki iran qollawatqan küchlerni dölettin chiqirish meqsitide qattiq émbargo yürgüzüshni pilanlawatqanliqlirini eskertti hemde amérika palatasi tashqi munasiwetler komitét ezalirining amérikining süriyediki iran küchlirini dölettin qandaq chiqiridighanliqigha alaqidar soallirigha jawab bergende, mundaq dédi: «bu bir qatar tedbirlerning birlikte élinishi netijiside ishqa ashurulidu. aldi bilen tashlinidighan tunji qedem, iranni amérika we ittipaqdashlirimiz teripidin fizikiliq wasitilerdin mehrum qaldurush we irangha iqtisadiy jehettin qattiq émbargo yürgüzüshtin ibaret.»

u, washingtonnng süriye mesiliside mushu ayning axirliri rusiyening sochi shehiride chaqirilidighan «süriye milliy diyalog yighini» gha qarshi birleshken döletler teshkilatida heriketke ötidighanliqini tekitlep mundaq dédi: «biz amérika we xelqara jemiyetning barliq paaliyetlirige qarita birleshken döletler teshkilati we xewpsizlik kéngishining hemde 2254 – nomurluq qararning qanuniy küchi dairiside heriket qilimiz. buningdin , sochida rusiyening chare basquchida weziyetni kontrol qilish we özining küntertipi bilenla cheklinishke qarita paaliyetlirige chek qoyush meqset qilinidu. derweqe, rusiye dawamlashturuwatqan chare basquchini qanunlashturalmaymiz hem undaq qilish niyitimizmu yoq.»


خەتكۈچ: süriye , téhran , émbargo , iran , amérika

مۇناسىۋەتلىك خەۋەرلەر