голландийәдики қуран курси 20 дин артуқ қари йетиштуруп чиқти

йавропа миқйасидики 28 қуран курсида 560 нәпәр қизни қошқанда җәмий 814 нәпәр оқуғучиниң қарилиқта оқуватқанлиқи билдүрүлди.

голландийәдики қуран курси 20 дин артуқ қари йетиштуруп чиқти

түркийә авази радийоси хәвири: голландийә пайтәхти амстердамдики сәлимийә җамәсидә 2010 – йили ечилған қуран курсида бүгүнгә қәдәр 20 дин артуқ қари йетишип чиқти.

амстердам сәлимийә җамәси имами һафиз әһмәд кайа тәрипидин башланған вә хәлқниң зор қизиқишиға еришкән қуран курси модели, қисқиғинә вақит ичидә голландийәниң охшаш болмиған шәһәрлиридиму ечилди. 

ислам җәмийити миллий гөрүш ( қараш) тәшкилати тәркибидә паалийәт қиливатқан сәлимийә җамәсидики курста алдинқи йили қари болуп чиққан 14 йашлиқ әмир қурбан: «қари болуш интайин гүзәл туйғу ата қилиду . мени толиму гүзәл нәрсиләргә игә қилди, һәммәйләнгә тәвсийә қилимән» деди.

амстердам мәвлана җамәсиниң имами вә қуран оқутқучиси һафиз абдуллаһ кайинму: «йавропада қари йетиштуруш курсиниң ечилиши һәқиқәтән адәмни сөйүндүридиған бир иш. нишанимиз, қари йетиштуруш күрсидики йашларға диний мәлуматларниму әң сағлам шәкилдә өгитиш, җамә вә җамаәт билән зич мунасивәт орнитишини ишқа ашуруш» деди.  

һазир йавропа миқйасида голландийә амстердам сәлимә җамәсидики қуран курсидин илһам елип ечилған ислам җәмийити миллий гөрүш ( қараш) тәшкилатиға қарашлиқ 28 курста, 560 нәпәр қизни қошқанда җәмий 814 нәпәр оқуғучи қарилиқта оқумақта. 

йавропа миқйасидики курсларға қарита, диний ишлар идариси түрк – ислам бирлики җәмийити вә ислам җәмийити миллий гөрүш ( қараш) тәшкилати тәрипидин һәр йили германийәдә өткүзүлидиған қарилиқ имтеһанлирида утуққа еришкәнләргә қарилиқ дипломи тарқитип берилмәктә.

 



مۇناسىۋەتلىك خەۋەرلەر