gollandiyediki quran kursi 20 din artuq qari yétishturup chiqti

yawropa miqyasidiki 28 quran kursida 560 neper qizni qoshqanda jemiy 814 neper oqughuchining qariliqta oquwatqanliqi bildürüldi.

gollandiyediki quran kursi 20 din artuq qari yétishturup chiqti

türkiye awazi radiyosi xewiri: gollandiye paytexti amstérdamdiki selimiye jameside 2010 – yili échilghan quran kursida bügünge qeder 20 din artuq qari yétiship chiqti.

amstérdam selimiye jamesi imami hafiz ehmed kaya teripidin bashlanghan we xelqning zor qiziqishigha érishken quran kursi modéli, qisqighine waqit ichide gollandiyening oxshash bolmighan sheherliridimu échildi. 

islam jemiyiti milliy görüsh ( qarash) teshkilati terkibide paaliyet qiliwatqan selimiye jamesidiki kursta aldinqi yili qari bolup chiqqan 14 yashliq emir qurban: «qari bolush intayin güzel tuyghu ata qilidu . méni tolimu güzel nersilerge ige qildi, hemmeylenge tewsiye qilimen» dédi.

amstérdam mewlana jamesining imami we quran oqutquchisi hafiz abdullah kayinmu: «yawropada qari yétishturush kursining échilishi heqiqeten ademni söyündüridighan bir ish. nishanimiz, qari yétishturush kürsidiki yashlargha diniy melumatlarnimu eng saghlam shekilde ögitish, jame we jamaet bilen zich munasiwet ornitishini ishqa ashurush» dédi.  

hazir yawropa miqyasida gollandiye amstérdam selime jamesidiki quran kursidin ilham élip échilghan islam jemiyiti milliy görüsh ( qarash) teshkilatigha qarashliq 28 kursta, 560 neper qizni qoshqanda jemiy 814 neper oqughuchi qariliqta oqumaqta. 

yawropa miqyasidiki kurslargha qarita, diniy ishlar idarisi türk – islam birliki jemiyiti we islam jemiyiti milliy görüsh ( qarash) teshkilati teripidin her yili gérmaniyede ötküzülidighan qariliq imtéhanlirida utuqqa érishkenlerge qariliq diplomi tarqitip bérilmekte.

 


خەتكۈچ: quran , qari , gollandiye

مۇناسىۋەتلىك خەۋەرلەر