daghistanliq musulman boks mahiri putin bilen körüshti

daghistanliq musulman boks mahiri hebib nurmagomédowning qolgha keltürgen utuqi qizziq téma bolushni dawamlashturmaqta.

daghistanliq musulman boks mahiri putin bilen körüshti

 

türkiye awazi radiyosi xewiri: daghistanliq musulman boks mahiri hebib nurmagomédow las wégastiki qepez urushida, deslepte islamgha andin döliti we ailisige haqaret qilghan irlandiyelik bokis mahiri mék girégorni yer chishlitip, arqidin uning guruppisigha hujum qilghan we dunya küntertipidin orun alghan idi.

öbjesh mushtlishish senetliri yénik derijilikler musabiqisida chimpéyonluq kemirini qoghdap kelgen bokis mahiri rusiye pirézidénti wiladimir putin bilen körüshti.

ulyanowisikte élip bérilghan uchrishishta putin hebib nurmagomédowning ghelibisini tebriklidi.

putin hebib nurmagomédowning musabiqilargha shexsiy namidin qétilghini bilen yenila rusiye puqrasi ikenlikini eskertip, uni yéqindin teqip qilghanliqini éytti. 

putin hebib nurmagomédowning musabiqide barliq selibiyliklerge qarimastin, intayin iptixarliq bir shekilde ghelibini qolgha keltürgenlikini bildürdi.

putin tenterbiyening dostluqqa atalghan bir heriket ikenlikini eskertip, tenterbiyechidin reqibliri bilen illiq emma riqabetchi we yaxshi insaniy munasiwet ornitishi telep qilinidighanliqini tekitlidi.

putin: biraq sirttin birer mudaxile kelgen teqdirde, yalghuz senla emes, elwette bizmu uninggha qarshi turimiz. lékin ishning bu nuqtigha kelmigini yaxshi» dédi. 

hebib nurmagomédow bolsa, özige musabiqe meydani sirtida yüz bergen weqeler bilen emes, élip barghan küreshliri bilen baha bérilishi kéreklikini telep qildi.

hebib nurmagomédow reqibining musabiqidin ilgiriki küshkürtüsh xaraktérliq heriketliri terepke diqqetni tartqan halda: «dölitimge we ailemge hörmetsizlik qilghan mik girégordin perqliq shekilde shunche yaxshi muamile qilghinimgha qarimay, hazir kishiler meydandin sirtqa atlighaliqimnila bes munazire qilishmaqta. biraq men shereplik bir pozitsiyeni namayan qildim» dédi. 


خەتكۈچ: putin , boks mahiri , daghistan

مۇناسىۋەتلىك خەۋەرلەر