seudi erebistanda hökümetke qismen özgertish kirgüzüldi

seudi erebistan padishahi selman bin abduleziz, bir qisim ministirliqlar bilen iqtisadqa alaqidar organlarning qaytidin tertipke sélishini mezmun qilghan bir parche qararname élan qildi.

s. arabistan hükümet revizyon.jpg

türkiye awazi radiyosi xewiri: seudi erebistan padishahi selman bin abduleziz, bir qisim ministirliqlar bilen iqtisadqa alaqidar organlarning rehberlik apparatigha özgertish kirgüzüp qaytidin tertipke sélishini mezmun qilghan bir parche qararname élan qildi.

seudi erebistan resmiy xewer agéntliqi – wafaning xewirige qarighanda, néfit we kan bayliqliri ministiri eli enneiymining ornigha aramko shirkitining bashliqi we sehiye ministiri xalid elfellah, fellahning ornigha sabiq soda – sanaet ministiri tewfiq erbiye teyinlengen.

soda ministirliqigha majid elqesbini, qatnash ministirliqigha puqralar awiatsiye shirkitining mudiri sulayman hemdanni teyinligen padishah selman, merkiziy bankining bashliqliqigha ehmed elhelifni, ministirlar kéngishining katipliqi meslihetchilikige yasir bin osmanni teyiblidi.

padishah selmanning imzasi bilen élan qilinghan qararnamide yene, néfit kan bayliqliri ministirliqining ismi ‹énérgiye, sanaet we kan bayliqliri ministirliqi› gha özgertilgenliki, su ishliri ministirliqining emeldin qaldurulup emgek we ijtimaiy ishlar ministirliqliriningmu ‹emgek we ijtimaiy tereqqiyat ministirliqi› dégen birla ministirliq qilip qoshuwétilgenliki qeyt qilindi.



مۇناسىۋەتلىك خەۋەرلەر