obama trampning musulmanlar heqqidiki pikrige naraziliq bildürdi

amérika qoshma ishtatliri pirézidénti barak obama jumhuriyetchi qanatning pirézidént namzat namzati donald trampni eyiblidi.

000_AA54H.jpg

türkiye awazi radiyosi xewiri: niyujérsiy ishtatidiki bir uniwérsitétning 50 ming adem ishtirak qilghan oqush püttürüsh murasimida söz qilghan pirézidént obama, jumhuriyetchi qanat pirézidént namzat namzati donald trampning «musulmanlarning amérikigha kirishi toxtitilsun» dégen teklipige yene bir qétim naraziliq bildürüp, «musulmanlarning döletke kirishini tosush qimmet – qarashlirimizgha asiyliq qilish bolidu. musulmanlarni töwen körüsh yaki yalghuzlashturush shundaqla döletke kirishte ulargha perqliq muamile qilishni teklip qilish peqet qimmet – qarashlirimizgha, kim ikenlikimizge asiyliq qilish bilenla qalmay, oxshashla dölitimiz we chet ellerdiki ashqunluqqa qarshi küreshtiki eng muhim shériklirimiz hésablinidighan muhim xelqlerni yatlashturiwétidu» dédi.

obama, nöwette döletlerning özara küchlük béqinidighan haletke kelgenlikini eskertken halda, trampning méksika chégrasigha tam soqush teklipiningmu dölet iqtisadini güllendürmeydighanliqini we bixeterlikini kücheytmeydighanliqini ilgiri sürdi.


خەتكۈچ: musulmanlar , tramp , obama

مۇناسىۋەتلىك خەۋەرلەر