qirim tatarliri enqerede «matem yighilishi» ötküzdi

enqerede buningdin 72 yil ilgiri ana wetenliridin sürgen qilinghan qirim tatarlirini xatirilesh munasiwiti bilen «matem yighilishi» ötküzüldi.

kırım tatarları ankara anma.jpg

türkiye awazi radiyosi xewiri: qirim tatar teshkilatliri munbiri teripidin orunlashturulghan yighilishqa türkiyening her qaysi wilayetliridin kelgen köp sanda qirim türki atatürk kültür merkizining aldida toplandi. qirim, ukraina we türkiye bayraqlirini kötürüwélishqan tatarlar, türlük shoarlarni towlashqan halda anadolu meydanigha keldi we küchlük bixeterlik tedbirliri élinghan tekshürüsh nuqtisidin ötüp yighilish ornigha kirdi.

türk we qirim shéhitliri üchün hörmet bildürüp sükütte turulghandin kéyin türkiye we qirimning dölet marshliri oquldi. dualar qilinghan yighilishta yene qirim ghezellirimu éytildi.

qirim jemiyiti bashliqi tunjer kalkay yighilishta söz qilip, rusiyening buningdin 72 yil ilgiriki bésim we zulumini nöwette rayonda qaytilighanliqini eskertti. ukrainaning naheq halda ishghal qilinishigha qarshi chiqqan qirim tatarlirining küreshlirini dawamlashturidighanliqini tekitligen kalkay, bu küreshte özlirini qollap – quwwetligen, wijdan we mesumiyetning sépidin orun alghanlargha minnetdarliq bildürdi.

ukrainaning enqerede turushluq bash elchisi sérgiy korsuniskimu «qirimning ishghal qilinishini tosup qalalmighanliqimiz üchün hélihem nomus qilmaqtimen. qirimning ishghaligha birlikte xatime béridighan künlirimiz yéqindur» dédi.



مۇناسىۋەتلىك خەۋەرلەر