erdoghan:daésh we musapirlar mesilisde yalghuz qalduq

jumhur reis rejep tayyip erdoghan daéshqa qarshi küreshler we musapirlar mesililiride türkiyening xelqara yalghuz qalghanliqini bildürdi.

erdoghan:daésh we musapirlar mesilisde yalghuz qalduq

türkiye awazi radiyosi xewiri: jumhur reis rejep tayyip erdoghan türkiyening térrorluq teshkilati daéshqa qarshi élip barghan küreshlirini héchqandaq bir döletning wujudqa chiqiralmighanliqini éytti.

erdoghan türkiyening daéshqa qarshi élip barghan herbiy heriketliride daéshning süriye we iraqta 3000 ezasidin ayrilip qalghanliqini bildürdi.

istanbulda ötküzülgen 10-nöwetlik balqan döletliri armiye bash qomandanliq ishtabi bashliqliri yighinida söz qilghan erdoghan, süriyediki weqelerning tesirlirining xelqardimu körüliwatqanliqini tekitlep ötti.

urush we zulumdin qachqan 3 milyon süriyelik we iraqliqqa türkiyening ige chiqqanliqini, bundaq ishlarni héchkimning wujudqa chiqirip baqmighanliqini ipade qilghan erdoghan, türkiyening musapirlar üchün hazirghiche 20 milyard dollar serp qilghanliqini eskertip mundaq dédi: «bizge yawropa pul yardem qilamdu yaki dunyadin bizge yardem kélemdu weyaki birleshken döletler teshkilati musapirlar komitéti bizge pul béremdu? dégendek soallarni oylapmu baqmiduq.»

jumhur reis rejep tayyip erdoghan térrorluq teshkilati daéshqa qarshi küreshlerde alaqidar döletlerning qedem tashlimay istixbarat jehettin melumat almashturush uyaqta tursun, hemme ishni türkiyening öz aldigha qilishini kütüp turghanliqlirini tekitlep, térrorluq teshkilatining qolidiki qorallar toghruluq söz qilip mundaq dédi:«daéshning qolidiki qorallarning qaysi yawropa dölitige tewe ikenlikini besh qoldek bilimiz, hetta, bezi dostlirimizgha xata qiliwatsiler, bu ayropilanlarni bu yerde qondurmanglar, dégen waqtimizda ular: palanchi yerler qoldin kétidighan turidu, shunglashqa ayropilanlarni qondurushqa mejbur bolup qalduq, dégüchiler tolimu epsuski ewetken yardem buyumlirining yérimi daéshqa, yérimi térrorluq teshkilati p y d gha kétip qalghan. bu ehwallarni ular bilen téléfonda biwaste körüshkenlikim üchün küntertipke élip kéliwatimien. »


خەتكۈچ: erdoghan , daésh , yawropa

مۇناسىۋەتلىك خەۋەرلەر